ORUTERANE RWA ANKOLE WESTERN UNIVERSITY, ABEBEMBEZI BA’SHEEMA BEHIREYO KUTUNGURA YUNIVASITE EGI.
Omwaka ogu eitedekyero ritungire abeegi 1200 kutendekwa omu mashomo gatari gamwe nagamwe
Abebembezi ba Sheema bebembirwe omunyishengyero waabo ahabwa Sheema Munisiparite Hon. Dickson Kateshumbwa baraganise okubarikuza kwekoramu omurimo bakashagiika enkurakurana ei tendekyero rya Ankole Western University obwe barikwongyera kushakiira univasite egi omu Gavumenti hamwe nomubanywani babo.
Dickson Kateshumbwa okugamba ebi nobu abaire ari aha mukoro gw’okuhendera ekiterane kya Yunivasite ekimazire esabiti yoona aha mbuga zitendekyero . Ekiterane eki kikatandiika ebiiro 07/07/2024 ahu Ishabarebeerezi owa humwire Henry Luke Orombi abaire ari omugyenyi omukuru. Ebiiro 08/07/2024 omurebeerezi wa West Ankole Dayosisi Bishop Twinomujuni kandi ori Casaara wa Yunivasite egi niwe yayigwire ekiterane eki omu butongore.
Kuruga ekiterane kitandiika ebintu byingi bikozirwe ahu Ishabareberezi Henry Luke Orombi abasize kutayayira amariisa agamwe omubureebereezi obu agarimu; oburiisa obwa Nsiika omuri Buhweju, Mitooma, Ndekye omuri Rubirizi obwe arikuburira engiri hamwe nokushaba abazaire kubareta abeegi bakatandiika kushomera ahitendekyero eri.
Ishabarebeerezi Orombi takomire aha kutayayira amariisa kureka agumizemu yahiika nomumashomero agari omu burebeerezi obu agarimu Ruyonza, Masheruka girls, Ruhinda ss, Ndekye SS,Bweranyangi girls hamwe na Kyeizooba girls. Okutayaya kwa Ishabarebeerezi kubaire kuri okuburirra engiri yokujunwa hamwe nokugarurua amasiko omu beegi obwe otebirwe okutwara engiri eitendekyero.
Nkomuringo gumwe gw’okwongyera obushagiki bwitendekyero eri hamwe nokwongyera amani omu byakanyabwegye, aha biiro 13/07/2024 eitendekyero eri rikagiraho okwirukanga ahu abantu barikurenga 200 bayetabire omuhururu egi. Sente ezirugiire omukwirukanga oku nezokukora omukutu ogurabe niguhwera abeegi kutunga ebirugire omu bigyezo hamwe nokumanya byoona ebirikukwata ahitendekyero eri ogurikumanywa nka; “Student’s digital portal”.
Barikuhendera ekiterane eki ekikorirwe aha mbunga zitendekyero , ori kwebembera eitendekyero eri Dr. Andrew Ainomugisha asimire Ishabarebeerezi Henry Luke Orombi ahabwokwikiriza akaija ahitendekyero eri kubahereza omuzizi gwokutungura yunivasite egi. Dr.Andrew ayorekiire oku eitendekyero eri riri aha sipidi yamani omukutunguka ahu babaire baine purani yokureba ngu omwaka ogu gwaza kuhwa babe baine abeegi 2000.
Ahu turikugambira ebi abeegi barikurenga 1200 nibo bakiirwe ahitendekyero eri omwaka ogu, ekirikworeka ngu abazaire hamwe nabeegi bariyo nibakunda ebirungi ebiri ahitendekyero eri. Aine amatsiko mingi ngu ebirungire omu rutayayo rwa Ishabarebeerezi nibiza kwongyera kihango aha kutunguka kwitendekyero eri.
Dr. Andrew Ainomugisha asiimire abanyishengyero hamwe nabebembezi abandi abakozire omurimo muhango gw’okukwatiraho eitendekyero eri kureeba ngu ryatunguka. Omunyishengyero ahabwa Sheema Munisiparite Hon. Dickson Kateshumbwa ojwekiire abanyishengyero abandi abarikwebembera disiturikiti ya Sheema asimire abarikwebembera eitendekyero eri ahabwemirimo eibariyo nibakora kureba ngu eitendekyero eri ryatunguka.
Nikwe kushaba abanyishengyero kukwatanisiza hamwe bakatungura eitendekyero eririyo niribangura eminyeto. Dickson Kateshumbwa nayoreka ngu okushomesa omwana tiharimu kuferwe ahabw’okuba kwatarashomire tiyakubaire ari omunyishengyero ahabwa Sheema Munisiparite.
