MUKURU WEIHANGA YAHEREZA OMUKAMA EDWARD KIJANANGOMA NYABONGO 1  ENTE 100

Enkuyanja y’abantu kuruga enshonda zoona za Uganda hamwe nomumahanga agaheru bayeteranira aha kikari ky’omukama wa Tooro Karuzika kwakiira Edward Rukidi Kijanangoma Nyabongo 1 nkomukama wa Tooro ogiire omubigyere bya King Oyo Nyimba Kabamba Iguru Rukidi Iv owarugire omu magara gensi ebiiro 27/ 08/2026 aha myaka 34 y’obukuru obwe arikwitwa endwara ya kansa.

Oyo akaija kuzikwa aha biro 12/09/2026 ahari Karambi ahu barikuziika abakama ba Tooro. Omukoro gw’okuta Omukama aha Ntebe gutandikiire nemigyezo etaryemwe nemwe ahu Omukama abasize kutambura orugyendo obwe arikuraba ahagati yekibuga kya Fort Portal hamwe nokubaga ente erikwera.

Omukasheshe karaizoba Omukama Edward yabaaza omukanisa eya St John’s Cathedral ahu Bishop wa Rwenzori Dioces Reuben Kisembo owayebembera okushabira Omukama yamushaba okurebuka ngu yakuma ebintu byobukaama kandi byakoresibwa gye. Aha nshonga yeby’obwegyese nayo yagikwataho obwe arikushaba Omukama Edward kutwara engiri egi omu maisho.

Aha shaaha mukaga mukuru weihanga Yoweri Kaguta Museveni owaaba ari omugyenyi mukuru yahiika Karuziika kwetaba omu mikooro yokushutamisa Omukama Edward Kijanangoma Rukidi omu ntebe.

Omukama Edward Kijanangoma yasiima mukuru weihanga hamwe Gen Kainerugaba ahabwomurimo ogu bakoziire kuruga Omukama Oyo afa kuhisya nahati obu yatwarwa obwebembezi. Yashaba abatooro obutashorora omu diini kandi bagiire enkwatanisa eraije kubahisya aha businguzi.

Purezidenti Museveni yatabaarusya Omukama Nyabongo 1 ahabw’okutooranwa nk’omukama wa Tooro kandi yahamiza abatooro oku araije kukora gye emirimo ye. Mukuru weihanga yashaba abatooro okukuma ebyobuhangwa ahabw’okuba neby’obuguzi bwingi. Puresidenti Museveni yahereza Omukama ente 100 hamwe nekitabo kyorunyakore runyoro Rutooro.

Oijuke ngu obukama bwa Tooro bukatandikaho omu mwaka gwa 1830 obwe burikwebemberwa Omukama Kaboyo Olimi 1 owabaire ari omwana womukama Kyebambe 111 owa Bunyoro Kitara Kingdom.