EDWARD RUKIDI KIIJANANGOMA KWEBEMBERA EMIGYEZO Y’OBUKAMA BARIKUMUZIIKA
Omusuuga Charles Kamurasi yarangirira Edward Kiijanangoma nk'omukama wa Tooro Kingdom
Omukoro gw’okushendekyereza omukama Oyo Kabamba gurikugyenda omu maisho ahari St.John’s Cathedral.
Edward Rukidi Kiijanangoma ou batoraine kuba niwe yaaba omukama wa Tooro niwe araije kukorwaho emigyezo yebyobuhangwa nkomukama wa Tooro. Emigyezo egi naija kugikorera aha mwanya ogu barikuza kubiikamu Omukama. Nobu nyiina womukama hamwe nabandi barikuhakaniisa okutoranwa kwa Edward Kiijanangoma, kwonka obwahati niwe araije kukorwaho emigyezo bwanyima y’okutoranwa ekiika kyababiito bebembirwe Omusuuga Kamurasi. Omusunga Kamurasi obu yaaba naherezayo obutumwa bwe, yasima Gavumenti ya Uganda namunonga mukuru weihanga ahabwobushagiki obwabahaire kuruga omukama Oyo Nyimba Kabamba Iguru Iv ahumura. Omusuuga yarangirira omu butongore oku Obukama butungire omukama ondaijo orikumanywa nka Edward Kiijanangoma, OU baraije kukorera emigyezo yoona y’obukama.
Ishabareberezi wekaniisa ya Uganda Stephen Kazimba Mugalu yashaba abikiriza hamwe nabantu ba Tooro kuguma nibijuka ebi omukama yabaire nakunda obwe barikubikora. Nkomuringo gumwe gwokumwijuka wekaniisa ya Uganda neija kubyara emiiti kandi baronziire heka 95 ezi baraije kubyaramu emiiti nkakamanyiso kokumwijuka.
Sipiika weishengyero rya Uganda Hon Thomas Tayebwa niwe yajwekyera mukuru weihanga kandi niwe yashoma obutumwa bwe. Abandi bantu namani kuruga omu Gavumenti bahiika aha mukoro.
