Afrigo Band
Aha myaka 77 ayebembire Afrigo bandi kumara emyaka erikurega 50 kandi akahandiika ebyeshongoro 7
Okufa kwa Moses Matovu omwe omu ba dayirekita ba bandi erikumanywa nka Afrigo bandi kwasiga ebibuzo byingi aha mituma yaba nya Uganda namunonga abeshongozi.
Burikushesha eraizoba ebiiro 24/09/2026, omweshongozi Moses Matovu bamwitira aha mwanya ogwa Kibuli market omuri Zoni B Makidye.
Moses Matovu obaire ari direkita wa Afrigo Bandi kandi owaziirwe ebiiro 19/06/1949 yafera aha myaka 77 y’obukuru.
Abdallah Bukenya mutabani wa Matovu y’ahamya amakuru gw’okufa kw’ishe obaire naruga kukora abinazi abatarikumanywa nikwe kumwita.
Omugambiriizi wa Poriisi Racheal Kawala yahamya amakuru aga ahu Poriisi ya Kabalagala yatunga amakuru aga kandi okucoondoza nikugyenda omu maisho.
Omugyenzi Moses Matovu akatandiika okw’eshongora omu mwaka gwa 1967 obwe arikukora na bandi ya Thunderbird ahu y’arugiire arikuza omu Poriisi bandi omu mwaka gwa 1968.
Omu Poriisi bandi kuyarugireyo nikwe kuza omu Crane bandi omu mwaka gwa 1969. Bandi ya crane ekaija yagwa nikwe Moses Matovu hamwe nabatahibe nikwe kutandiika Afrigo Bandi aha biiro 31/08/1975.
Aha myaka erikurenga 50 ei Afrigo Bandi yamara omu buhereza, Moses Matovu abasiize kwebembera bandi ya Afrigo kandi obwahati ndiyo bandi ebaire nekiira ezindi zoona omwihanga. Atakafiire abasiize kuhandiika hamwe n’okweshongora ebyeshongoro nka; Nantongo, Silina, Anantwaala, Teri Mubi, Sofia hamwe na Agenda Osome.
