EBYA DR. ASAPH KAMUGISHA NIBYOGYERA KUBA BIBI – EMISHONGO Y’OBUSHOMANKUZI EMURIKUBI
Okwihaho abantu sente ngu naija kubahereza emirimo ekamara ekabuura
Nebya: Lilian Byoonanebye
Kooti eidara ry’okubanza erikushutama omuri Ndeija Rwampara District esindikiire Dr.Asaph Kamugisha ori senior clinical officer ahirwariro rya Kinoni Health Centre IV omukihome Kyamugorani ahabw’okutekatekwaho kuba yatungire sente omu bihenda biragiryo kuruga aha bantu ababaire nibenda emirimo aha Disiturikiti ekirikuhenda amateka kurugirira aha section 285 of the penal code act.
Kooti ebaire eyebembirwe omuramuzi Obed Rekyeraho ehurire oku Dr. Asaph Kamugisha hamwe nabagyenzi be, omukwezi kwa omwaka 2026, bakihaho Severa Nshabohurira sente zirikwingana sh15,000,000 obwe barikumuraganisa kumutungira omurimo aha Disiturikiti, ekintu ekitarabasikire.
Kooti egarukiire yashomera Dr. Asaph Kamugisha omushango gwobushomankuzi, ahu barikumutura okwiha sente ahari Arinaitwe Syrus sh8,000,000 arikumuraganisa kumutungira omurimo gw’obwa Clinical officer aha Disiturikiti ya Rwampara, kwonka taragumuhaire.
Kurugirira ahari Natasha Mariam ori omugambirizi w’ekitongore ekya state house anti-corruption Unit. Naagira ngu okukwatwa kwa Dr. Kamugisha kukaijaho bwanyima y’okutunga okwetobwita kuruga omu bantu obu minisita wa Gavumenti z’ebyanga Balaam Barugahara aba ari omuri Rwampara Disiturikiti arikucondooza oku sente za gavumenti zirikukoresibwa.
Dr.Asaph Kamugisha bwanyima yokurebuka omu maisho g’omuramuzi weidara ryokubaza Obed Rekyeraho, ogu bamushomaire emishango nikwe kumusindiika omukihome Kyamugorani kuhisya 03/11/2026 obwaragarukye omu kooti kwehozaho.
