EKIRI AHA GUUTO NEKINDI BUTANDU ZAMARAHO ABANTU OMU BIIRO 10 ABANTU BARIKURENGA 100 BAFIIRE.
Abantu 64 kuruga ebiiro 28/07 kuhisya 03/08 nibo bafiire kandi 246 batungire obuhuta
Okucuura nikwe kuri aha guudo za Uganda obwahati ahu buraizoba amakuru mabi gabantu kutunga butandu aha guudo nigo gari buri hamwe. Hatakahwireho sabiti emwe abantu barikurenga omuri 10 bakagwa omuri butandu hamwe nabandi ababaire bari abeegi ba Yunivasite ya Kabale nabo bakagwa omu butandu. Ahu turikugambira ebi abandi bantu munana nabo amagara gabo tigahonokiire omu butandu ebireho 01/09/2024 aha ruguuto rwa Masaka- Kampala. Bus yekiika kya Isuzu eya Jaguar namba UAV 988N hamwe na motoka ya Elfu Isuzu.
Kurugirira ahari Martin Kananura ori kukurira ebyentambura aha guudo naagira ngu butandu egi kubaho erugirire ahari omuvugi wa Bus ebaire naruga Kampala erikuza Kigari obaire nagyezaho kuraba aha motoka endaijo nikwe kubuganayo motoka ya Kanta ei etomire ekekubangura.
Abantu 08 nibo bafiire kandi 20 bakatunga obuhuta bwamani ahu abamwe bariyo nibatunga obujanjabi ahirwariro eya Masaka erihango. Orikukurira ebyentambura Martin Kananura nayoreka oku butandu ziriyo nizeyongyera kwita abantu ekintu ekiriyo nikyerarikiriza. Kurugirira aha rwipoti ya poriisi yebyeguudo neyoreka kuruga okwamushanju 28 kuhisya okwamunana 03 omwaka ogu, abantu 64 nibo baferire omuri butandu kandi 246 batungire obuhuta.
