1,500 BAKASHANGWA BAINE EKOKORO(CANCER) OMURI MBARARA
Eirwariro rya Mbarara erihango hamwe na'gandi gatunga ebikoresa byokukyebera ekokoro
Ainebyoona Duncan
Nkomuringo gumwe gwokutungura ebyamagara, minisiture yebyamagara omwihanga rya Uganda ekwatanise nihanga rya Korea kurabira omukitongore kyabo ekya Korea foundation for international health care (KOFIH) bahereza amarwariro agari omu kibuga Mbarara ebikoresa ebirahwere abashaho baba nibacebera kansa yomunwa gwa nyinenda.
James Karugaba owebyamagara ahabwa Mbarara city naagira ngu ebikoresa ebi batunga birimu gloves, ebyooma byokuteka empitirizo hamwe nebindi ebirikwija kubahwera baba nibacebera kansa yomunwa gwa nyinenda. Ebikoresa ebi nibiza kuhebwa agandi marwariro agarimu; Biharwe HCIII, Kyarwabuganda HCIII, Nyamitanga HCIII, Nyakayonjo HCIII, Kakoba HCIII, Mbarara Municipal HCIV hamwe na Mbarara regional hospital.
Dr. Smei Sekitene orikwebembera eby’endwara ya kansa ahabwa buregye rwaizoba naagira ngu omubaaro gw’abantu abarikukwatwa endwara ya Kansa nigw’eyongyera bwashesha bwira. Omwaka gwebyesente ogwatandiikire omu kwamukaga 2025 kuhisya okwamushanju omwaka 2026 abantu barikurenga 1,500 bakashangwa na kansa bwanyima yokuceberwa. Aharyabo abaana bakaba nibigana 100 kandi eky’okutangaza bakatunga omubaro muhango gwabashaija ababire baine kansa yobushaija ningashi (prostate cancer).
Ahabw’omuranga gw’okucebeza kansa kweyongyera Dr. Anold Tumuramye Aronda orikukurira emirimo ahabw’ekitongore ekya kansa Mbarara naagira ngu obwahati eirwariro erikuru erya Mbarara regional hospital nibatunga abarwaire barikurenga 200 abarikuba nibenda obujanjabi. Eki kiretiire minisiture yeby’amagara kurabira omukitongore ekya Uganda cancer Institute kugiira etekateka yokwombeka eirwariro ryaba kansa Mbarara, nekigyendererwa ky’okukyendeza aha mwijurano.
