GAVUMENTI KWOMBEKA EIRWARIRO RY’ABEKOKORO ERIHANGO MBARARA
Abarwaire bekokoro buregye rwaizoba nibeyongyera; Bushenyi hamwe na Mbarara nibo bakirizeyo kugira omubaro muhango
Nebya:Omweneitaka Bongyereirwe
Kurugirira aha kucoondoza okukozirwe ekitongore ekya Uganda cancer Institute nikworeka oku Disiturikiti ezirimu Bushenyi hamwe na Mbarara nizo ezikirizeyo okugira abarwaire abaine oburwaire bwekokororo. Ebi Dr. Jackson Orem orikwebembera ekitongore ekya Uganda Cancer Institute abigambire obu hamwe nabashaho abakugu kuruga omwirwariro erya Cancer Institute kampala babaire nibabuganaho abashaho abarikuragurira abantu abaine kansa ahirwariro erya Mbarara regional Hospital.
Eirwariro erihango erya Mbarara niryo erya kabiri omu Uganda kujanjaba abarwaire abaine oburwaire obwekokoro. Dr. Deus Twesigye orikwebembera eirwariro eryaba Kansa naagira ngu omubaaro gwabantu abarikwija nibenda obujajabi nigweyongyera ahu buri wiiki barikutunga abarwaire 200 ekirikuretera omubaro ogu gwahiika 1000 buri kwezi kandi obwe abashaho nibakye.
Dr. Orem ebi abigambire eizooba ryorwakana ebiro 25.4.2024 obwabaire ayebembaire tiimu yabashaho abakungu omushonga zekokoro kurunga omukitongole ekya Uganda cancer institute omurutayayo aheirwariiro erikuru erya mbarara regional referral hospital kureeba embeera yokujajaba oburwaire bwekokoro ahuyahiika aheirwariro eryo obwo barikugyezaho kuchedeeza oburwaire obu omweihanga ryoona.
Kagure Halson omugambirirzi wirwariro naagira ngu ekigyendererwa kyokurambura emirimo erikukorerwa ahirwariro eri namunonga kyahiika aha kujajaba abarwaire abekokoro, nokwenda kukora rwipoti eraije kuhwera minisiture ekogyera aha byombeko hamwe nabashaho otireho ebyoma ebindi ebiri aha mutindo. Obwahati nayoreka oku baine okuteganisibwa ahabwokubura omwanya gurikwemarira.
Ekokoro obwahati nemwe omu ndwara eziriyo niziteganisa abanya Uganda. Ahirwariro erya Mbarara erihango, ekokoro yomunwa gwa nyinenda, eya mabere hamwe neyamara nizo ziriyo niziteganisa namunonga. Ekitongore ekya Cancer Institute nikigyezaho kurundana sente kokwombeka eirwariro ryabarwaire bekokoro erya ankole yoona aheirwariro erya mbarara regional referral hospital kureeba ngu bahitsya haihi obuhereza hamwe nokugyedeza omubaaro gwabantu abakwitwa oburwaire obu.
