ABAKOZI NAABO NIBENDA OBUGAMBE NKABANDI
ekiiro kyabakozi omwihanga kyajagurizibwa omuri Fort Portal
Nebya: Doreen Ninsima
Eihanga ririkwetebekanisiza kujaguza ekiro kyabakozi izooba rya nyenkyakare ebiiro 01.05.2023, abakoozi ahansi yekigombe kyaabo ekya Uganda organisation trade union ( NOTU) bashaba kubahebwa obugabe bwaabo okukira baaba bari ahamirimo.
Eihanga ryoona ekiiro eki nibaza kukijaguriza omu kibuga ekya Fort Portal aha kishayi ekya Mukabura.
Nkomuringo gumwe gwokwetebekanisa, abakoozi omu kibuga Fort Portal borekiire okushemererwa obwe barikutambura etauni ya Fort nikwe kwerundanira omukishayi ekya Booma ahu babuganire abajwekyerwa baabo omu paramenti.
Cliff Muhumuza orikukurira abakozi omu disturikiti ya Kabarole yayoreka nkoku obugabe bwabakozi okukira abarikukora omu fakitore zamajani, ezimwe zikakinga beitu n’obwahati tibakashashurwaga sente zaabo nabandi bakabingwa ekitararireine.
“Abakoozi boona nobubakuba abo abarikukora hatariho ndagano ahagati yaabo nabarikubakozesa tibashemereire kubingwa ahamurimo batabandize bamanyisibwa kandi nobundi beine kushashurwa obwire bwoona obubarikuba bakozire. Obwahati emishango ekirizeyo obwingi neyabakozi abarikukora omu fakitore z’amajani ahu bamwe nibabanja emyaka 2 kandi nabandi sente zaabo eza NSSF tizirikushashurwa ekirikuretera obugabe bwabo bwaribatirirwa.” Muhumuza nikwe arikugira.
We omujwekyerwa wabakozi omu paramenti Arinitwe Rwakajara naagira ngu batandikire okuhiga gavumenti kwetaho ekitongore ekirikureberera abahingi nabakozi bamajani nkokukiri omubihingwa ebindi nk’omwani, pamba nebindi. Rwakajara naagira ngu paramenti yaherize kurabyaho ekitenso ky’okutekaho omushara gurikukomwaho ningashi ( wage bill) beitu hasigareize omukono gwa purezidenti wenka.
Nkomujwekyerwa wabakoozi niwe yayajwire ekitenso kyokutaho omutemo ogurikutandikirwaho ahamuntu weena kushashura omukozi we kandi ekyahinguziibwe beitu hasigeire mukuru weihanga kutaho omukono. Nkomuringo gumwe gwokwijuka eizoba eri babyire emiti nkakamanyiso kokurinda ebyobuhangwa.
