Ahabwenjura nyingi eriyo negwa omubicweka bitari bimwe nabimwe obwahati engundo zitarizimwe nazimwe tizakirabwa ahabwa maizi kuba maingi. Ahuturikugambira ebi abantuura abarikukoresa orugundo orwa Rwakashare Rubindi ebyentabura bibagumire bwanyima yorutindo kutwarwa amaizi.
Orutindo orucwekiire norwa Rubindi kuza Nombe omuri Kashare oru abantu babaire nibakoresa kutwara ebyamaguzi byabo omu tauni ya Rubindi hamwe naabo abarikuba nibaza Mbarara.
Nkomuringo gumwe gwokuhwera abantura abebembezi ba Mbarara Disiturikiti namunonga ekitongore ekye gundo kyakora omurimo muhango obwe barikureta ebyooma byokukora orutindo oru. Oijuke ngu etauni ya Rubindi nekiira kuteganisibwa omwijurirano gwamaizi omubwire bwenjura.
Eki abebembezi nibakita aha bantu abarikutahirira ebyobuhangwa hamwe nokushisha emifuregye erikutwara amaizi obwe barikunagamu kasasiro. Obwahati abebembezi nibenda abashubuzi abarikukorera omuri Rubindi kuguma nibareberera emyanya yabo namunonga okwigura emifuregye erikutwara amaizi hamwe nokurekyeraho okutahirira emynya yebisharara.
