RWAMPARA DISITURIKITI NEMWE OMU ZATUNGA EBYOMA BY’EGUUTO
Disiturikiti 14 ensya nizo zatunga ebyoma by'enguuto
Minisiture y’eby’enguuto yaheerezayo ebyoma by’okukora enguuto za disiturikiti ensya 14 ezitaraatungire ebyoma ebi. Omu 2017 govumenti erikurabira omu minisiture yebyenguuto ekahereza disiturikiti 121 ebyooma byokukora enguuto ahu ababuregye rwaizoba omukoro gwokwakiira ebyooma ebi gukakorerwa omu kishayi kya Mbarara High school, ahu Gen Katumba Wamala yabaire eri omugyenyi mukuru.
Eraizoba Engazi yeihanga Robinah Nambajja yayebembera omukoro gwokuhereza Disiturikiti 14 ebyoma byenguuto, ahu Disiturikiti ya Rwampara yaganyirwa omu ntekateka egi. Omunyishengyero wa Rwampara Amos Akankunda, Julius Karuhanga owa Rwampara East, ceyamani wa disiturikiti Owomugasho, ori omujwekyerwa wa puresidenti ahabwa Rwampara hamwe nabandi bebembezi. Bahiika aha mukoro gwokwakiira ebyooma ebi.
Engazi eihanga Nabajja arikuherezayo ebyooma ebi hamwe na Gen Katumba Wamala ori minisita webyenguuto, bashaba abebembezi ba Disiturikiti abantunga ebyooma ebi kubikwatagye kandi bikakora omurimo gwabyo kutari kukora emirimo etari ya gavumenti.
Abebembezi aba baine obuhame ngu obu disiturikiti ezi ensya ezirimu; Rwampara, Kazo, Kitagwenda, Kikuube, Bugweri na Kalaki zatunga ebyoma enguuto omu disiturikiti ezi niziza kukorwaho.
We omunyishengyero ahabwa Rwampara Amos Akankunda yasiima minisiture yebyenguuto ahabwokubahereza ebyooma ebiraije kubahwera kwigura emihanda omubicweka bitaribimwe nabimwe omuri Rwampara. Nayoreka oku batwire nibateganisibwa kyahaiika aha kutunga ebyooma byenguuto ebibabaire nibakoresa, kwonka obu batunga ebyabo hati Rwampara neija kwaka.
