OMWINAZI AYOKIIZE AKATARE KEMPUNU AKA KABAGARAME -BUSHENYI
Poriisi omu Bushenyi yatandiika kucoondoza kandi neija kutaho abakumi hamwe na kamera enkesi kwenda kwerinda ebi
Omuriro ogutakamanyirwe ahu gurugiire gucwekyeriize akatare k’empunu aka Kabagarame( kabagarame weekly pork market) burikushesha erizooba ebiiro 02/08/2024. Akatare aka nikashangwa omuri Ruharo woodi Central division omu Munisiparite ya Bushenyi-Ishaka.
Kurugirira aberebiire nagambo, omuriro gwatandika shaaha 4 z’ekiro nikwe kucwekyereza obuju ahu abantu barikuba bashutami hamwe nahu barikuba bahanikiire enyama yempunu. Kabagarame n’emanywa munonga nkakatare akarikuguza enyama y’empunu buri Rwamukaga omuri burengyebw’eizooba nangwa nomwihanga ryoona.
Ab’ebyokwerinda omu disiturikiti ya Bushenyi batandiika kucondooza ekirugirireho omuriro ogu. Kasigazi Donanto omuhwezi wa RDC ahabwa Bushenyi disiturikiti naagira ngu nkabebyokwerinda nibaza kukora ekirikubasiika kureba ngu bamanya ekiretiire akatare aka kayokibwa, ahabwokuba nikahereza abantu baingi entasya.
Jaffari Basajjabalaba ori Ceyamaani wa Disiturikiti ya Bushenyi yagira ngu nka Disiturikiti nibeija kukora ekirikubasika kureeba ngu barinda akatare aka obutagaruka kwokibwa obwe barikutaaho nabakumi hamwe na kamera . Annet Katusiime Mugisha omunyishengyero wa Bushenyi obwe akwatanise na Ceyamani Jaffari nkomuringo gumwe gwokukwatiraho abashubuzi abaferirwe obuju bwabo, baherezayo omuganda gwa sh300,000 hamwe na 500,000 buri omwe kubaasa kuhwera abafeerirwe obuju bwabo kwombeka obusya bakatandiika emirimo yaabo.
