OKWERAGURIRA OMU BATUURA KURESIIRE EMIBAZI YAYANGA KUKORA OMU MAGARA GAABO-MBARARA DISITURIKITI
Abebembezi nibenda abantu bagume babaze batunga okuceberwa batakatungire mibazi
Nebya: Omweneitaka Bongyereirwe
Obucweka 40% bwabantu abarikutura omu disiturikiti ya Mbarara niberagurira endwara ezirikubateganisa obwire obwingi batabandize kucebeeza. Eki nikyo kiretiire abebebmbezi hamwe nabebyokukurira ebyamagara omu disiturikiti egi bagiira okwerarikirira.
Abebembezi okugamba ebi nobu babaire bari ahirwariro erya Karwesanga health center ii erikushangwa omuri Rubindi town kanso ahu enkuyanja yabatuura beshukiire kutunga obujanjabi bwabusha. Obujanjabi obu bubaire bugyenderire kuhwera abantu ba Kashari kandi Fred Mwesigye kuruga omukitongore ekyebyobwegyese hamwe nemizano nibo batebekanise obujanjabi obu.
Okurugirira ahari fred Mwesigye naagira ngu omuze gwabatuura kweragurira batabandize bakyebeza kiriyo nikiretera amagara gabantu gayanga emibazi eibarikubaretera omumwarwariro. Eki abebembezi bakitiire aha buhereza bwamarwariro oburi bukye omu disiturikiti
Elastus Tugume ori omuhwezi owebyamagara ahabwa Mbarara disiturikiti naagira ngu ogu gubaire guri omurundi gwa kashatu abanyabamabzi barikureta obujanjabi omukyanga eki kandi abantu nyamwingi bahwerirwe. Nikwe kushaba abatuura kurekyeraho omuze gwokweraguriza ahabwokuba wamira emibazi yotabandize wakyeberwa noba nomira obutwa.
Margret Ayebare Rwebyambu ori omunyeishegyerokazi ahabwa Disturikita eya mbarara ayorekire okukwatwaho ahanshonga yokucubagira kweby’amagara omweihanga nikwo kushaba gavumenti okwimukiramu ekaata amaani omukutungura ebyamagara na munonga omu disturikita eya Mbarara.
Rwebyambu ayogyeire yashaba abantu hamwe na bembezi okurekyeraho okuta eby’obutegyeki omushonga ezebyamagara ngu nikiretera amagara gabantu gaza omukabi.
