OKWIGURAHO EKIZIMBE KYA MAKERERE EKYAHIIRE, Dr.KIYONGA NIWE KYANSARA NOMUSYA
Yasiima eitedekyero rya Makerere ahabwokutungura ebya sayansi
Aha biiro 20/09/2020 eihanga ryoona namunonga abo abashomire ahitendekyero erya Makerere University bakagwerwa akagwe bwanyima yokutunga amakuru oku ekizimbe ekirikukirayo obukuru omu yunivasite kyakwasirwe omuriro. Ekizimbe kei ekirikumanywa nka Ivory Tower nikimwe aha bizimbe ebirikworeka akamanyiso kitendekyero eri kandi nikimwe aha bizimbe bikuru owmitendekyero eri. Omuriro ogu ogwatandikiri eshaha zekiiro gukatandikira ahiguru nikwe kugumizamu kugahika ahansi ahu offisi zebyesente zabaire ziri kandi oku ebihandiiko nyamwingi bikacwecerera.
Gavumenti ya Uganda bwanyima yekyombeko eki kusya ekaraganisa kwerikuza kugaruraho ekyombeko eki nkoku kyabaire kiri. Sente zirikwingana Biriyooni 21 nizo zahirwe kampuni ya Excel company Limited kuhunduza ekyombeko eki, ahu ekitongore ekya Mastercard foundation kyahwerire eitendekyero eri obwe barikubahereza Miriyooni 1 omusente eza dora.
Eraizoba ebiiro 02/10/2024 mukuru weihanga rya Uganda Kaguta Museven hamwe nomukyara we Janet Kataha ori Minisita weby’obwegyese bahiika ahitendekyero rya Makerere kwigura omubutongore ekizimbe eki bwanyima yokumarira omurimo gwokukihunduza.
Aha mukoro nigwe gumwe mukuru weihanga yaakwatsa ebikozeso byitendekyero Kyansara omusya ou yatoraine Kwebembera itendekyero rya Makerere Dr. Crispus Kiyonga. Kiyonga yaza omubigyere bya Profesa Ezra Suruma owizire kuhumura emirimo ye omu 2023 bwanyima yokwebembera eitendekyero eri kuruga 2016.
Aha mukuru mukuru weihanga yashaba abarikwebembera amatendekyero kuta amani omu mashomo agarikuhereza emirimo namunonga amashomo aga sayansi.
Oijuke ngu ekyombeko eki ekya Ivory Tower bakatandiika kukyombeka omu mwaka gwa 1930 omu bwebembezi bwowabaire nayebembera eitendekyero eri George C Turner. Kikaija kuhwa omu mwaka gwa 1941.
