EBIGYEZO BYA P.L.E OMWAKA 2024 ABOJO BASINGIRE ABAISHIKI
Abojo 45203 nibo biziire omu Divijoni 1 kandi abaishiki ni 39098
Eraizoba minisita webyobwegyese hamwe nemizano Hon.Janet Kataaha Museveni yashooza ebirugiire omu bigyezo byekibiina kyamushanju ebyomwaka 2024. Abeegi 797444 omwihanga ryoona nibo bakozire ebigyezo ebi ekyabaire nikyoreka omuhendo gwabeegi okweyongyera wagyeranisa nomwaka 2023 ahu abeegi 749347 bakozire ebigyezo.
Abeegi 524025 abarikukora obucweka 65.7% kuruga omu mashomero aga boona bashome nibo bakozire ebigyezo kandi abeegi 273419 (34.3%) babaire nibaruga omuryago agatari aga boona bashome.
Omwidara ryokubanza abojo basingire abaishiki ahu abojo barikwingana 45203 kandi abaishiki nibingana 39098. Omu guredi U abojo abagwire nibingana 28110 kandi abaishiki ni 36141. Abasibe kuruga omu bihome bitaribimwe nabimwe omwihanga nabo abakozire ebigyezo by’ekyamushanju nabo bakozire gye. Okuruga omu kihome ekya Mbarara, Embohe 37 nibo bashutamire ebigyezo ahu abasibe 4 biziire omwidara ryokubanza.
