EMYAKA 39 YA NRM ERIKWEBEMBERA EIHANGA TEKANYIJUKAGA, OU BOOMU YACWIREHO EMIKONO NACUURA

Paul. T

Nobu gavumenti ya Puresident Museveni erikwesiima ahabwokwebembera gye eihanga eri kumara emyaka 39 kuruga bakwata obwebembezi, baingi abakwatanise na mukuru weihanga kwihaho Gavumenti ya Obote, nibacuura ahabw’okushanga ngu bakabebwa.

Mucunguzi Amos omwe omu bacwekireho emikono yombi bwanyima yaabaserukare ba Obote  kumutekatekaho kuba yabaire nahagiira abaahekyera (amahe ga puresidenti Museveni) bakamutekatekaho kuba yabaire nabahagiira ahu bamukwasize boomu omungaro ekamubarukiira.

Mucunguzi Amos orikutura omukyaro ekya Kibega omuri Sanga Kiruhura Disiturikiti atugambire oku rikubona bona noburema obu amazire nabwe kumara emyaka erikurenga 40. Amos naagira ngu gavumenti ya Obote kuyamazire kumanya ngu Puresidenti  Museveni akaba nakoresa abaana bato abu babaire nibamanywa nka Kadogz.

Nayoreka oku bamushangire omwishwa arisize nikwe kumukwata bakamuhereza ekintu ekyabaire nikiremera kiri omu nshaho ngu akitware ahu babaire nibamworeka, nikwe kubaruka kikamutemaho emikono yoona hamwe nokufutara omubiiri gwoona.

Nobu Amos yatungire okuragurirwa kwonka akasigara aine obusasi kandi ari omurema otarikwebasa. Obwahati kwarikwijuka ekyamubireho yatekateka oku orikubonabona nabaana abarikwenda kurya hamwe nokushoma ahurira yatamwa ensi egi. Amos agyerizeho kuhiika abebembezi omu Gavumenti obundi akatunga obuyambi kwonka nabyo byaba ebyabusha ahamwokuguma nibamuraganisa ebishuba nabandi barikwenda kumwiba obwe barikumushaba ebituga.

Obwahati nashaba boona abu kirikukwataho namunonga abo abarikuhiika omwebembezi weihanga kumuhwera akamuhiika obundi akamukwatiraho.