EISHOMO RY’EBY’EMPIIHA, ABA MASAKA BATUNGIRE OKWEGYESIBWA
Abashubuuzi batungire okubangurwa ahabyobushubuzi omwihanga
Ekitongore ekirikujunanizibwa ahaby’obushubuzi ekya Capital Markets Authority Uganda hamwe n’ekitongore ekirikujunanizibwa ahaby’empiiha ekya Uganda Financial Literacy Association, batandikireho eishomo ry’eby’empiiha omuri Masaka.
Ekitongore ekirikujunanizibwa ahaby’obushubuzi ekya Capital Markets Authority of Uganda (CMA) kikwataniise n’ekibiina ekirikureeberera eby’esente ekya Uganda Financial Literacy Association (UFLA), batandikireho okubangura abantu ba Masaka. Okutendeka abantu aba kugyenderaire kureetaho obutare bw’ebye’sente nokwegyesa abantu ebirikukwata ahaby’empiiha, hamwe nokureba ngu abantu bahansi batunga amani gokukora encwamu nungi ahaby’empiiha hamwe n’obushuubuzi.
Daniel Ayebare, orikwebembera ekitoongore ekya UFLA, obwabaire naiguraho omushomo ogu agizire ngu ekigyendererwa kyomushomo ogu nokwegyesa abantu eby’esente nk’omusingye gw’etunguuka y’abantu boona.
Naagira ngu “Okureeta enteekateeka egi haihi n’abantu ba Masaka hamwe na disiturikiti eziheraire ekyanga ekya Masaka, nokwenda kwombeka omusigye gwabantu abarikumanya kandi abarikubaasa kwejumbira omu kuhindura eby’entaasya ya Uganda. Omu huruuru egi n’okwehayo ngu tihaine oshemereire kuguma enyima omu rugyendo rw’okutunguuka omu by’empiiha.”
Lyn Tukei, orikukurira eby’empurizagana omukitongore ekya CMA Uganda naagira ngu “Omurimo gwaitu nk’ekitongore ekirikureeberera obutare bw’esente n’okureeba ngu abanya Uganda batunga amakuru agahikire, bacwamu kurungi omu by’obushubuzi, kandi bakakoragana n’ebitongore ebindi.
Okutongoza eshuura egi tikirikukwata aha maziima gonka, kureka n’okwesiga n’okwerinda kugira ngu buri munya Uganda, yaaba ari omu ndembo nainga omu byaro, akore aine n’obwesigye ahabikwatiraine neby’obutare bw’esente nk’omuhanda gw’okutunga eby’entatsya.”
Okutongoza omushoomo ogu omuri Masaka kwizireho bwanyima y’okugiiraho emishomo endaijo y’eby’esente omu manya etary’emwe nemwe omuri buregye rwaizooba hamwe n’oburugwizooba bwa Uganda. Ekitongore ekya CMA kikwatanise na UFLA nibo batebekanise emishomo egi nekigyendererwa kyokubangura abantu omu by’esente hamwe neby’obushuubuzi omu shonda zoona zeihanga.
Ekitongore ekya Capital Markets Authority (CMA) kikatandiika omu mwaka gwa 1996 nkekitongore ekirikujunanizibwa ahaby’obushubuzi okutunguura, n’okureeberera obutare bwa kapito omu Uganda. Ebigyendererwa byakyo ebikuru birimu okurinda abashubuzi n’okutunguura obutare hamwe nokuretaho oburinganiza.
Ekitongore eki nikyongyera kihereeza abashubuzi obukugu omu by’okushubura hamwe nabarikureberera esente. Nikyo kirikuheereza obugabe bw’okuguza emigabo, kandi obwahati nikihereeza obugabe bw’okuguza emigabo omu kitongore kya Uganda Securities Exchange na ALTX East Africa Securities Exchange. Ebigyendererwa byakyo ebikuru n’okureeberera obutare n’okurinda abashubuzi
