NITUZAKUBABINGA ABASHAHO ABATARIKWENDA KUKORA – RDC NAKAMYA
Aha bakozi 42 abari ahirwariro 6 nabazariisa hamwe naba dokita 2
Ori omujwekyerwa wa puresidenti omuri Rwampara Disiturikiti ninga ou baingi barikumanya nka RDC, yarabura abashaho ahirwariro erya Kinoni HCIV abatarikwenda kukora kwarikwija kubabinga. RDC Harriet Nakamya yagamba ebi obu yaaba ari aha mukoro gw’okwakiira ekitanda kyabakazi eki Sacco ya Ankole farmers and Traders Sacco yahereza eirwariro eri obwe barikwetebekanisiza okwijuma emyaka 25 ei bamara omu buhereza bwa biika oguze.
RDC naagira ngu atwiire natunga rwipooti zitari zimwe nazimwe kuruga omu bantu barikwetombwita ngu abashaho obumwe nibaaba batari ahirwariro ekirikuretera emirimo yagyenda bikwatireki. Naagira ngu abashaho abamwe nibihaho abantu sente kuza kubakyebera namunonga abo abubarikuba nibenda kuceberwa baba babahambire hamwe nabeshagama.
Kinoni HCIV burikwezi abakazi 120 nibazarira ahirwariro eri ahu 36 aharyabo nibashemezibwa barikuzara, kandi abarikuba bizire kuraguza endwara ezitarikuturira buri wiiki nibacebera abantu 220. Dr Asaph Kamugisha naagira ngu eirwariro erya Kinoni obwahati niryakiira abarwaire kuruga omuri Ntungamo disiturikiti ahabw’okuba Itojo hospital omuri Ntungamo bariyo nibarihunduza . Eki kiretiire omubaaro gwabarwaire abarikwija ahirwariro eri gwayeyongyera.
Oijuke ngu Rwampara Disiturikiti obwahati aine amarwariro abiiri agari aha rurengo rwa HCIV kwonka abantu nyamwingi nibaija Kinoni kukiira Bugamba HCIV. Abebembezi ba Rwampara basiima Sacco ya Ankole Farmers and Traders sacco ahabwokubijuka bakabahereza ekitanda kyomurembe ahabwokuba Kinoni HCIV ebaire aine ebitanda 2 ahu ekimwe kibaire kikuziire. Bashaba abashaho kukoresagye ekitanda ekyabahebwa kuhikiriza omurimo gwakyo
