MIRIYOONI 60 ZA SACCO YABASHUBUZI BOMU CENTRAL MARKET MBARARA PYEE!!!!!!
State house anti-corruption unit etandiikire kucoondoza abariire sente za SACCO ya central market
Akakiiko aka State house anti-corruption unit katandikire kucoondoza sente za SACCO yabashubuzi ba Mbarara central Market ezaburize amaisho.
Samuel SSebikali obaire ayebembire aba state house ayorekiire oku baine obujurizi hamwe nobuhame aha ryabo abarire sente za sacco nkoku rwipota ya karishorisho wa gavumenti yacoondorize. Bimwe eby’ashohwire omu rwipota ya karishorisho neyoreka oku batungire 62M kuruga owa mukuru weihanga ahu bamwe omubabaire nibakora omu SACCO egi baburize amaisho bwanyima yokurya sente ezi. Nikwe kushaba abebembezi bakatare kushutama bakerondamu akakiiko akarahandike petishoni barikushaba sente ezindi obwe okucondooza kurikugyenda omu maisho.
Ezindi shonga abashubuzi bashire kuhabaho okucoondoza ahanshonga yamashanyarazi agatwire gari ekizibu omukatare aka. Emmanuel Muhumuza ori ceyamani wakatare naagira ngu batandikire buryomwe akaba aine miita kwonka bwanyima abashubuzi abamwe bayoreka obutashemererwa obwe barikuhandikira mukuru weihanga.
Eki kikaretera amashanyarazi bagiiha aha miita nikwe kutunga aga dayirekiti ekintu ekiriyo nikibateganisa obwahati,ahabwokuba buryomwe tarikumanya ezi ashemereri kushashura.
Hajj Sarah Nandahura ori town clerk ahabwa Mbarara city Divijoni, araganiise abashubuzi oku barikuza kutunga miita busya kumaraho ekizibu kyamashanyarazi. Hajj Sarah naagira ngu abashubuuzi bomukatare ka central Market kanso ekabasasira obutashashura rayisinsi (license) ekintu eki abashubuzi batarikureeba kandi batakwenda kusiima.
