ESHAAHA YOONA ANITAH AMONG NARUGIRAMU AHO!!!!
Ekibiina kya NRM eshaaha yoona nikyehakana sipiika
NEBYA: Omunyamakuru waitu
Nobu akakiiko aka CEC aka NRM karugireyo kakatorana Hon. Annet Annita Among kuba sipiika weishengyero ry’omurundi gwa 12 obwe arikuhwerwaho Thomas Tayebwa, enshonga yobwa sipiika eriyo neretera abamwe bagambisibwa. Obwahati Minisita w’ebiragiiro Norbert Mao kandi osingire akaruru kobunyishengyero bwa Laroo-pece Divijoni omu Gulu, arugireyo yayoreka oku arikwenda kwesimba aha ntebe y’obwa sipiika.
Minisita Mao naagira ngu ebirikwetegyesa kwesimba ahabwa sipiika byoona abyiine kandi aine obukugu bwamani kyahiika aha kwebembera eishengyero eri. Naagira ngu endagano ei bakozire na NRM nemwikiriza kwesimbaho obwe arikutunga n’obushagiki kuruga omukibiina kya NRM.
Obwahati ebibuzo nibyingi munonga ahagati y’abanyishengyero namunonga abasingire akaruru hamwe nabarikwebembera ekibiina kya NRM, barikwebuza ori enyima ya Minisita Nobert Mao noha?. Agarikuruga omushonda zekibiina kya NRM nigoreka endagano ei Mao yakozire na mukuru weihanga hakaba harimu okumuhereza obwa minisita hamwe nokwija kwesimba ahabwa sipiika ahabw’enshonga zeby’obwebembezi oburakurateho.
Eki kyagumizamu kiri kiti, Mao akasinga obwa sipiika, Hon. Among naija kurugiramu aho nobu agyerizeho kuhikiriza ebi NRM ebaire neyenda.
