Nebya: Ainebyoona Lilian
Poriisi omuri Kampala eriiyo necondooza okufa kwa maneja wa Hoteri erikumanywa nka Dave and suites erikushangwa omuri Mbubi zone Lungujja omu divijoni eya Rubaga.
Kurugirira aha mugambirizi wa poriisi ahabwekyanga ekya Kampala metropolitan Racheal Kawala. Abiinazi abatakamanyirwe batahirire hoteri ya Dave and Suites ekiiro ky’orwamukaga burikushesha eri Sunday, nikwe kwita Asasira Shivan emyaka 30 y’obukuru hamwe nomukumi Lawrence Musingizi emyaka 27.
Asasira Shivan ou bitiire omuri Kampala nomwana womugyenzi Ndyahabwa William aba Karora Kinoni Rugando Rwampara.
Okucondooza okwakozirwe nikworeka oku Asasira Shivan aha 10:00 zekiiro yaterire mukama we arikumugambira oku yaronda omukumi akabura kandi esiimu ze zikaaba zitariho. Mukama wa hoteri ou tutagamba amaziina aha shaaha 11:30 zekiiro akaterera esiimu maneja arikumubuza kwonka habuura owagikwata.
Bwanyima yokuza aha hoteri kumanya ekirikugyenda omu maisho nikwe kushanga ngu abakozi be bombi babitiire omu room zitarikushushani. Nikigambwa ngu bwanyima yokubiita abinazi aba bagyenzire nemotoka yekiika kya Harrier namba UBH 633M.
Asasira Shivan ou baingi babaire nibamanya nka Joyous naija kuzikwa omuri Karama Kitagata Sheema disiturikiti
Aba emibiri yabo etwirwe omu kabafuu Mulago obwe okucondooza kurikugumizamu.
