OMURIIMO GW’OKWOMBEKA EKISHAYI RUGOGOMA KY’ENYONYI NYAKISHARARA, NIGUZA KUHWA OMU 2030
OMURIIMO GW’OKWOMBEKA EKISHAYI RUGOGOMA KY’ENYONYI NYAKISHARARA, NIGUZA KUHWA OMU 2030
Abanya Mbarara obwahati baine akasheko aha matama bwanyima y’okutunga amakuru marungi kuruga owa mukuru weihanga rya Uganda oku ekishayi kyenyonyi ekya Nyakisharara bariyo nibaza kukihagusya kikaba ekishayi ekiri aha rurengo rwensi yoona.
Nyakisharara nikiza kuba ekishayi kyenyonyi ekirabe nikikira ebindi byoona omwihanga obwe kiri aha buhango bwitaka burikwingana 21 square kilometers. Ekishayi eki nikiza kuba kiine enguudo ibiri ningashi (2 runways) ezoburaigwa bwa 5.5Km.
Eky’omuhendo ekiraije kuba kiri aha kishayi eki nokugiira ngu nibaija kwombeka oruguudo rwenyonyi ezirabe ziresiire abantu bamani ningashi (VIP runway) eraije kuba aine oburangwa bwa kiromita 3.7KM.
Ekishayi eki kukirabe kyahwire nikiza kuhwera enyinyo ezirabe niziza omu mahanga nka Brazil hamwe na Chaina kukoresa Nyakisharara ahabwokuba haihi.
Kurugirira ahari prime Minisita Robinah Nabajja, ekishayi kukirabe kyahwaire nikiza kuhwera enyonyi ezirikuba niziruga omwihanga rya Brazil kumara eshaaha 20 zonka kuhika Nyakisharara kutunga amajuta kuruga aha shaaha 42. Enyonyie rabe neruga Nyakisharar kuza China nikiza kuba nikitwara eshaaha 11 kandi ezo ezirabe niziruga South America kwija Nyakisharara niziza kumara eshaaha 9.
Ekitongore ekya Blackrock Uwekeza nibo baraije kutamu sente kwombeka ekishayi eki, ahu baraije kweshashura obwe barikurundana sente ezirabe nizirugamu.
Omu rukiiko oru mukuru weihanga yaagizireho nabarikwebembera ekitongore ekya Base 7 Aviation international Academy omu state house Entebbe. Abakuru aba bebembirwe Charles Mugabi hamwe na Alexandria Judith Kyakuzire bakoreka oku ebitongore 3 birikwija kutwara omuriimo gwokombeka ekishayi.
Ekitongore ekya Hunan construction hamwe na Investment Engineering company nibaija kwombeka reru China south west Architectural design and research Institute nibaija kukuratiira dizaini zekishayi eki, obwe aba Blackrock Uwekeza nibo baraije kutamu sente baba nibombeka ekishayi eki .
Mukuru weihanga ashabire abarikuza kwombeka ekishanyi eki kukwatanisa na bakugu kuruga omu gavumenti kurebuka ngu purojekiti egi yatandiika. Ayongire yayoreka oku ekishayi kyaba kyahwaire kirikuza kutungura ebyobushubuzi, okuhangaho emirimo hamwe nokutungura ebyoburambuzi hamwe nebyobuhingi.
Omuhangu Eddie Kisitu hamwe na Abubakar Kaseruuzi kuruga omukitongore ekya Hamster Bisiness solutions borekiire oku ekishayi ekya Nyakisharara kyaba kyahwire kirikuza kuhweraho aha ntambura yenyonyi ezirikuza omuri Latin America, China, Indonesia hamwe na Austrialia, ekirikwija kuyamba eihanga rya Uganda kutunga sente nyingi kuruga omu mishoro
Ekishayi eki nikitekatekwa kuba kyahwire kandi kyatandikire kukora omu 2030.
