RWIPOTI YA PORIISI OMWAKA 2025 NEYOREKA OKU EMISHANGO ERESIRWE AHA PORIISI EKYENDIIRE N’OBUCWEKA 10.2%
Ekitongore kyeby’okwerinda ekya Uganda Poriisi kyashohoza rwipota y’omwaka 2025 ahu emishango ekyendiire nobucweka 10.2% wagyeranisa nomwaka oguhwaire. Mukuru wa Poriisi IGP Abas Byakagaba yayoreka oku omwaka 2025 poriisi ekatunga emishango erikwingana 196405 wagyeranisa n’omwaka 2024 ahu batungire emishango 218,715.
Eki nikyoreka oku abantu abarikuhababa emishango aha poriisi kukyendiire nobucweka 10.2%. Aha ryegyo mishango eyaresirwe aha poriisi, emishango 115301 niyo yatwirwe omu offisi ya DPP kandi emishango 79291 ekatwarwa omu kooti kuhozesibwa. Abasibe 31732 bakasingwa emishango eibabaire baine batunga ekibonerezo.
Eby’entambura Poriisi yahaguudo omwaka 2025 ekatunga emishango yabutandu 322,441 wagyeranisa nomwaka 2024 ahu batungire emishango 426,432, ekirikworeka ngu habaireho okukyendera nobucweka 24.4%.
Butandu za motoka zirikutomera aha guudo ezahandikirwe nizingana 26,044 ahu butandu 4602 zikaferamu abantu ,13563 zikaba ziri ezamani kandi 7879 nazo zirikubuza buza.
