Okello Christopher Onyu ou bakwasire bwanyima y’okwita abaana 4 ahishomero rya ryabaana omuri Ggaba yaretwa omu maisho g’omuramuzi wa kooti ya Makindye kuhurira emishango ye.
Ogu akaija kukwatwa abeby’okwerinda wiiki ehwaire bwanyima y’okutaaha omu mwanya ogu babaire nibarebereramu abaana eizoba ry’orwakana (daycare), ahu eisire 4.(abojo 3 hamwe nomwishiki omwe)
Kurugirira ahari Racheal Kawala omugambirizi wa poriisi ahabwa Kampala empago, Okello Onyum owemyaka 34 yobukuru nenzarwa ya Nwoya disiturikiti. Okucoondoza nikworeka oku Okello yabandize kwija ahishomero eri arikushaba omwanya gw’omwana we nikwe kumushaba emitwaro 18 ez’omwanya.
Ogu akaija kugaruka ahishomero hamwe na’sente zirikwingana sh180,000 ezibabaire bamushabire eza admission eziyatwire omu offisi akashashura. Bwanyima yokushashura sente ezo akashusha nkowashohora nikwe kukikama akashanga abaana ahu babaire nibazanira akatandiika kubaniga
