AKAMUGYEMA KUMIRA EMPITIRIZO, AHABW’OKUGAMBA NA NYINA

Nebya: Ainebyoona Brian

Poriisi omu Disiturikiti ya Mitooma ekwasire Juliet Tushabeomwe ow’emyaka 45 y’obukuru kuruga omukyaro kya Rweibare ii omuri Kyanzire omu tauni kanso eya Kashenshero ahabw’okutekatekwaho kuba yakozire ekikorwa ky’obwinazi obwe arikuhereza omwana wa mukaishe empitirizo ngu azimiire. Omwana Akamumpa Samuel owemyaka 8 y’obukuru obwahati ariyo natunga obujanjabi ahirwariro erihango erya Mbarara bwanyima y’okumushemeza.

Kurugirira aha kucoondoza okukozirwe nikorekwa oku omwana atwire arikushasha omunda kumara esabiti 2 ezihwaire ekiretiire Birungi Eunice ori ishenkazi w’omwana yamutwara omwirwariro kumukyebeza. Irwariro rya Gava Imagining center hamwe nerya Ishaka Adventist Hospital bwanyima y’okucebera omwana ogu kishangirwe oku abaire aine ekintu kirikweshushaniriza ebyooma omwibondo ry’omwana.

Bwanyima y’okucebeera omwana ogu aizirwe kutwara omwirwariro erya Mbarara referral Hospital ahu okucoondoza kuruga omubashaho bashangire empitirizo 46 omunda ye kandi obwahati ariyo natunga obujanjabi bwanyima y’okushemezibwa.

Poriisi Komanda ahabwa Bushenyi Empango Godfrey Achiria  ahamize amakumuru gw’okukwatwa kwa Juliet Tushabeomwe obwe barikwongyera kucondooza gaaba gari amaziima ngu akagyema omwana kumira empitirizo.

Twinomugisha Simon Ishe womwana ogu, naagira ngu obuzibu bakabarukaho bwanyima yomukazi we Juliet kutunga amakuru ngu omwana ogu nagamba na nyina owayangine na Simon.  Omu bigambo bya Simon ishe womwana naagira ngu “Omukazi wangye atwire atakwenda ngu omwana agambe na nyina ninga yaaba nayenda kugamba nanyina naija kumubinga agyende amushangye”.

 Abebembezi kuruga omu Disiturikti ya Mitooma bajumirira ekikorwa eki kandi Juliet naija kutwarwa omu kooti kwehozaho. Iwe noogira ngu omukazi Juliet yashangwa ngu niwe yakozire ekikorwa eki bamukorereki??