FUFA KUSIIMA ABO ABATUNGWIRE OMUMPIIRA KURUGA BUREGYE RWAIZOBA

Aba buregye rwaizoba nibaza kusiimwa ahabwokutungura omupiira gwaihanga

0 5 Less than a minute

Nebya: Christopher Ainebyoona

Ekitongore ekirikwebembera omupiira omwihanga ekya Federation of Uganda Football Associations (FUFA) nikiza kugiraho orukiiko rwabo rwihanga ryoona orw’omurundi gwa 102 orurikumanywa nka (General Assembly) omukibuga Mbarara aha rwamukaga ebiiro 17/10/2026 aha hoteri eya Triangle.

**Baker Kasigwa arikwakiira ekihembo kye hamwe sh1M kuruga owa Hon. Moses Magogo ori puresident wa FUFA omwihanga**

Orukiiko oru norw’okusiima abo abakozire kihango kyahiika aha kutungura omupiira kuruga buregye rwaizoba. Abarikuza kutunga ebiconco naabo abazanireho omupiira aha rurengo rwihanga barikuruga Buregye rwaizoba hamwe nabo ababireho abebembezi bebyemizano aha rurengo rwihanga.

Obaratungye ebirabo nibaija kushomwa ahizoba ry’omukoro kurugirira aha mugambirizi w’ekitongore kya FUFA Ahmed Hussein. Ogu naagira ngu “okukora ebi kugyenderire kusiima abo boona abakozire kihango kureba ngu omupiira gwihanga gwatunguka”.