ORWA KATETE BARUKIGA NIBENDA ABEBEMBEZI BAGAMBE AHU SENTE ZORUTINDO ZIRIKUZA
Turihiire nobushomankuzi bwabebembezi ba bekibuga Mbarara
Ahuturikugambira ebi orutiindo rwa Katete rwakingwa bwanyima yokworeka oku ruri omumbera mbi. obwahati abarikuraba aha rutiindo oru nabo aba piki piki hamwe nabebigyere. Eki nikijaho bwanyima yebyoma ebi babaire batiire aha rutindo oru kubambuka hakasigaraho embaho, ekirikuretera amagara gabantu gaza omu kabi.
Nobu abebembezi ba Mbarara bebembirwe meya wekibuga kya Mbarara Robert Kakyebezi barikworeka oku orutindo oru barutiire omu mbarira yomwaka ogu obwe rurikuza kumaraho sente zirikurenga omu Biriyooni 5. abatuura niboreka ngu baruhiire nabebembezi bekibuga Mbarara kuguma nibaraganisa ebishuba. Oijuke ngu omwaka ogwahwaire entido zirikurenga ishatu ezirikuhwera abatuura kucwekanisa orwizi, zikatwarwa amaizi nokuhisya nahati, ezimwe tibakazikoraga.
