EBYAMAGARA GAVUMENTI EBITIIREMU SENTE NYAMWINGI SH5.87T, AMASHOMERO 120 NIGAZA KUHUNDUZIBWA.

Eizoba rya nyimwabazyo ebiiro 13/06/2025 Minisiture y’eby’empiiha, okuteekateekyera hamwe n’entunguuka omu by’entaasya, enshomire embariirira y’eihanga erikwingana obutabarwa 72.136T omu mwaka gw’eby’esente ogwa 2025/2026, erikuteekaho enteekateeka y’okuhindura buri kicweka ky’eihanga nk’omwanya gw’eby’obushubuzi.

Minisita w’eby’empiiha Matia Kasaija niwe ashomire embariira egi aha kishaayi kya Kololo Ceremonial Grounds. Embarira yomwaka ogu neyoreka empindahinduka y’amaani omu by’entaasya ya Uganda, erikushagikwa eby’obuhingi n’oburiisa eby’obushubuzi, amakorero, enkora ya digito hamwe n’okutunga kweby’obutare.

Kasaija ahuumuriize abanya Uganda, arikugira ngu gavumenti eine enteekateeka nungi y’okushorooza emishoro omwihanga, okwongyera aha mutindo gw’emishoro, n’okwongyera amaani omu by’emishoro. Gavumenti neteekateeka kurundaana Shs37.2T obutabarwa omu mishoro y’omwaka gw’eby’esente ogurikwija.

Ebyamagara omurundi ogu gavumenti ebyongiremu sente nyamwingi munonga, omu mwaka gw’ebyempiiha 2024/2025 ebintu ebirikukurataho, bikakorwa omu kitongore ky’eby’amagara: Gavumenti ekagumizamu kuta esente omu kutaasa amagara g’abanyayuganda, erikuheereza obuhumbi 721B obw’ebintu ebirikukoresibwa omu marwariro, emibazi ya buriijo.

Eki kikaba kirimu n’okwongyera esente ezirikwingana obuhumbi 100B ahabw’emibazi y’omugasho, Shs 116. obuhumbi 8 bwa ARVs, Shs 2.9B okugura emibazi y’okurwanisa omushwija gw’ensiri, Shs 17.8B bw’okugyema, Shs 52.3B bw’ebintu by’okukoresa omu labaratore hamwe na Shs2.1B k’okugura emibazi y’okurwanisa akafuba.

Okwongyera kutunguura eby’amagara g’abanyayuganda, sente zirikwingana Shs 5.87T zihirweyo omu mwaka gw’eby’esente ogurikwija ogwa 2025/26. Sente ezi niziza kukora:

• Okukora ahaby’amagara aha rurengo rwa health center ya kaana
•  Okweyongyera amaani omu by’amagara ebya purayimare hamwe n’obuheereza bw’eby’amagara omu bantu
•  Okutunguura eby’amagara ga e-Health aha eihanga;
• Okutumbula eby’endya n’amagara g’okuzaara.

Gavumenti eherize kuheereza ebyoma 20 bya X-ray n’ebyoma ebirikukoresa CT scanner omu marwariro 14 ahari 16 ag’ebyanga. Gavumenti eriyo neyongyera amani omu kitongore kya ambyurensi ekya National Ambulance and Emergency Care System.”

EBYOBWEGYESE

Omu kweteekateekyera CHAN na AFCON27, Gavumenti obwahati eshohoize Shs 496.8B bw’okwombeka ekishaaha kya Hoima na Akii Bua hamwe n’emyanya y’okutendeka abazani okwetoroora eihanga. Gavumenti neija kushohoza omuhendo gwa Shs1.34T kumaririza ebyombeko ebi. Gavumenti eyongire ebyobwegyese sente zirikwingana 5.04Trillion kandi ezi niziza kuhwera minisiture yebyobwegyese okutunguura ebirikwetengwa n’emyoga y’abegyesa. Sente zembariira yomwaka 2025/2026 niziza kuhwera amashomero 120 omwihanga agarikwetegwa kuhunduzibwa hamwe nagandi 31 agabo abaine oburema aha mubiri.

Sente nizo zimwe niziza kwombeka ezindi seed schools ezirikwingana 116 hamwe nokwongyera kwombeka amashomero ga siniya 61 agarikwetenga ebyombeko.