OKWIJUKA EKIIRO KYABAJURIZI, ABARAMAGI KWETORORA EIHANGA RYOONA BATANDIIKIRE OKUTAMBURA.
Buri mwaka ebiiro 03/06 enyikiriza enkaturika hamwe naba kurisitayo omu Uganda nibijuka ekiiro kyabajurizi ekirikumanywa nka Uganda Martyrs day. Ahu turikugambira ebi abaramangi kuruga enshonda zoona za Uganda hamwe nabo abarikuruga omu mahanga agaheru batandiikire orugyendo rwabo rwokuza aha kashoozi Namugongo.
Omwaka ogu obureberezi obwa Nebbi Catholic dayosisi nibwe burikwija kwebembera emikoro egi omurundi gwa kabiri kuruga 2007 obu batebekanisa ekiiro eki. Obwahati abaramagi barikurenga 190 kuruga omu disiturikiti ezirimu Kabale, Rubanda hamwe na Kisoro zoona ezirikwegitira omu bureberezi obwa Kabale dayosisi batandiikire orugyendo rwokuramaga barikuza Namugongo.
Kurugirira ahari Alphose Biraaho oyebembire abaramagi aba, naagira ngu okutambura oku nikuza kubatwarira ebiiro 10 kuhiika Namugongo. Aba babandize bayerundaniira aha kashozi Rushorooza aha shaaha ikumi nemwe zomumwebazyo nikwe kutandiika orugyendo rwabo.
Omuryabo abarikuramaga harimu omwana wemyaka 17 hamwe nowemyaka 82 yobukuru. Abandi baramagi bokurenga 100 batandiika orugyendo rwabo kuruga omu parish ya Lugazi omu Distrikiti ya Rubirizi barikuza Namugongo. Omunyishengyero John Ntamuhira owa Bunyaruguru yashaba abaramagi aba kuba abagumisiriza omu rugyendo rwabo mpaka bahikiire Namugongo.
Oijuke ngu omwaka ogu sente zirikurenga omu Biriyooni 1.3B nizo zirakoresibwe kutebekanisa ekiiro eki.
Ebirikwija kuba nibibaho kuruga hati mpaka ahizoba ryabajurizi nituza kuguma nitubikuhisyaho
