OBUSHOMANKUZI OMU SACCO YAKATARE KA CENTRAL MARKET MBARARA BWARENGA!! ABASHUBUZI NIBEBUZA AHU MIRIYOONI ZIRIKURENGA 39 ZAGIIRE
Abebembezi nibenda boona abatwire sente za sacco bazirete kyaba kitaryekyo nibaza kukwatwa
Nebya : Omweneitaka Bongyereirwe
Okurugirira aha rwipoti eshohozibwe omubaririzi webitabo ey’omwaka 2022/2023 neyoreka oku obukaikuru 130 nibwe burikubura omu sacco eya Mbarara central market . Ebi byoona abashubuzi babimanyire obu babaire baineho orukiiko rwabo orwabireho ebiiro 07.08.2024 omukatare.
Daniel Kayebe obu abaire nabashomera rwipoti erikukwata aha nshohoza hamwe nentasya ya sacco egi, ayorekiire oku miriyooni 91 zikiri omu rooni ezi abashubuzi bayegurize kwonka ekyokutangaza miriyooni 39.4M ezo tibarikumanya omuhanda ogu zatwiremu.
John Byaruhanga orikukurira ebyobushubuzi omukibuga Mbarara, ayorekiire obutashemererwa omubebembezi abarikwebembera saco egi bebembirwe Nyombi Muhammad. John naagira ngu abebembezi ba sacco egi nibo bamwe abaremirwe kworeka oku bakoraise sente zemyooga ezabaire nizihiika miriyooni 30 hamwe na sente zirikuhiika miriyooni 62 ezabaire niziruga owa mukuru weihanga nketandikwa. Ekyokutangaza nokushanga ngu na sente ezi omunyishengyero wa Mbarara North Robert Rukari Miriyooni 20 nazo tibarikumanya eki zakoziire.
Polly Katwire ori omuhwezi wa mukuru weihanga ahabwekibuga ekya Mbarara nayenda abashubuzi batwire sente zekibiina okuzigarura aho naho ahabwokuba sente ezo namunonga ezemyooga zikaba zigyenderire kuhwera abashubuzi kwetungura obwe barikweguza sente ezo kandi bakazigarura.
Nyombi Muhammad ou barikutunga akakumu naagira ngu emirimo ye akagikora gye kwonka agwerirwe akagwe kushanga ngu omubazi webitabo akaremwa kubara gye sente oku zakoresibwe omu bwire obu yabaire eri omwebembezi.
Oijuke ngu ekibiina eki ekya Mbarara central market Sacco kikehandikisa omu 2011 obwo barikutandikanisa na sente ezabaire nizihiika miriyooni 23 ahu omumwyaka eshatui yooka babaire bakozire amagoba ga miriyooni 144 naba memba barikurenga 500. Ahabwobwebembezi bubi oburimu bangamba nyenka hamwe nabo abatarikwenda sacco ngu ekure. Aba baherera kugiira orukiiko rwa boona ningashi orurikumanywa nka annual general meeting aha biiro 23.10.2014.
