MUBE EKYOKUREBERAHO,HON KAROORO NAYENDA ABAKYARA BATANDIKYEHO EMIRIMO YEMIKONO
Owabireho Minisita weby’okwerinda kandi n’omunyishengyero wabakyara ahabwa disiturikiti ya Bushenyi, Mary Karooro Okurut nayenda abakazi abari abebembezi omu maramizo namunonga agari omuri Bushenyi kubetandikiraho emirimo y’emikono, nekigyendererwa kyokwongyera aha ntasya yeka.
Hon. Karooro okugamba ebi nobu abaire atayaayiise abakyara ba mothers union kuruga omuburiisa bwa St.James C.O.U Kainamo parish ahari Ntambiko craft Center erikushangwa omuri Katungu cell,Katungu ward,Nyakabirizi divijoni, Bushenyi-Ishaka munisiparite.
Omwanya ogu omunyishengyero Mary Karooro Okurut akagutandikaho nekigyenderwa kyokuhwera eminyeeto hamwe n’abakyara kwega eby’emikono obundi bakayongyera aha ntasya yeka. bimwe aha birikukorerwa aha mwanya ogu harimu okwega kuriika ebyiibo, emikyeeka ,enshaho n’ebindi obwo barikubyiha omubintu ebitwehingurize nk’orutookye.
