6 BAFERA OMU BUTANDU EYABA AHA RUGUTO RWA NTUNGAMO MBARARA
Omwe omu baafa ahaba harimu omu poriisi orikukorera aha poriisi eya Nsangi omuri Kampara
NEBYA: ATUHAIRE MIRIAM
Burikushesha eraizoba abantu 6 nibo baferaho 3 bakatuga obuhuta omuri butandu eyaba aharuguto rwa Kakiika-Ntugamo Mbarara aha shaaha ikumi nibiri burikushesha. Okurugirira aha mugambirizi wa Poriisi aha bwa Rwizi Rwijoni Samson Kasasira naagira ngu motoka yekiika kya mini bus namba UBN 337H eyaba neruga Rukungiri erikuza Ntugamo yabaruka omumpira nikwe kwemerera aha rubaju rweguuto obwe barikugyezaho kukaniika nokutamu omupiira ogundi.
Omumagigo ago busi yekitongore ekya Kasaba UAP 385U, eyekiika kya Isuzu eyaaba neruga Kampala erikuza Rukungiri,yashobaho omuvugi wayo nikwe kutahiira omu mini bus. Abantu Mukaga otiiremu omuvugi wa mini bus hamwe nomuserukari orikukorera aha kitebe kya Poriisi ekya Nsangi kandi abandi bashatu batunga obuhuta bwamani.
Poriisi ya Ntungamo eyebyiruka aha guundo yarahuka kuhiika aha mwanya kandi emibiri yabaafa yatwarwa ahirwariro erya Rwashamaire health center IV kandi abatunga abuhuuta batwarwa ahirwariro erya Divine Health hamwe nahari Ntungamo specialist Medical center. Kurugirira ahari SP Kananura Michael omugambirizi wa traffic omwihanga yahamya amakuru aga kandi okucoondoza nikugumizamu kumanya ekyarugiriraho bus egi kutomera.
