KANSARA LOYDAH MUHIMBURA ABATEEZI BAKARURU BAMUZIBIRE KUHIKA AHA MUROGONTI
Abaturagye bamuzibire obutahika aha murogoti oguriyo nigwombekwa.
KANSARA LOYDAH MUHIMBURA ABATEEZI BAKARURU BAMUZIBIRE KUHIKA AHA MUROGONTI
Nebya: Omweneitaka Bongyereirwe
Abaturagye bomugomborora ya Rubaya bazibire ori Kansala wa bakazi ahabw’egomborora ya Rubaya Hon. Loydah Twinomujuni Muhimbura hamwe nababaire aine obutahiika aha mwanya ogu babaire nibombekamu omurongoti ahu gwahiika. Omurongoti ogu guriyo nigwombekwa omukyaro kya ekya Rugyerera omu muruka gwa Ruhunga egomborora eya Rubaya omu Disturikita eya Mbarara.
Hon. Loydah Muhimbura hamwe nabebembezi abandi abegomborora eya Rubaya kubahikire aha mwanya bashagiireho abanturagye ababaire baine ekiniga nikwe kwemereza Loydah obutahiika aha mwanya ogubarikwombekamu omurogoti ogu. Kurugirira aha Oc wa Kaguhazya porisi posti obaire akumire omurogoti ogu ashabire abebembezi aba okushaba orusa ow’omujwekyerwa wa puresidenti Emmy Katera abone kubikiriza .
Loydah naagira ngu kurabira omu kanso ya Rubaya eyashabire emirongoti egi , aha mirongoti eshatu eiyashabire ogu gubaire guri omurongoti gwa kabiri. Naagira ngu arikwija omuri Rubaya akashanga omwanya gutarimu netiwaka nikwe kushaba neti woka bakareta omurongoti ogwa Airtel ogu batiire Rwasinga. Kandi ogu gubaire guri ogwakabiri ogwa MTN.
Ashabire abantu barubaya ngu obu tibwire bw’obururu kureka nobwire bw’okukora. Nayoreka ngu ebiyaraganise abantu ba Rubaya baheza kumuhereza akaruru, hakaba harimu ebyemburizingana, okuhisya abantu amaizi, hamwe nokutungura ebyobwegyese hamwe nebyamagara
Enshonga ezi RDC wa Mbarara Turyabagyenyi Emmy Kateera azigambireho arikworeka oku abaire aine kuretaho obusigye ahamwanya bwanyima yokutunga amakuru ngu habaire habaho obutikirizingana. Loydah naagira ngu abantu bakamuronda nkomwebembezi omugomborora eya Rubaya mbwenu tihaine oshemerire kuba namuzibira kurambura ebyetunguka ebiri omukyanga kye.
