EMITUMBI YABANTU NEYETOBWITA AHABWOKUBURA AHOKUGIZIIKA,OMU KIBUGA MBARARA
Aba Kenkombe nibacuura ahabwekinuko ekirikuruga omu mitumbi hamwe na kasasiro
Abatuura ba Kenkombe omuri Rwemigina Mbarara city North nibetomboitira council ya Mbarara ahabwokuziika emitumbi omiri Kenkombe, Kandi obwe gutari mwanya gwokuzikwamu abantu.
Abantu aba bazikirwe haihi n’ekanisa ya kaburangire kandi aba batwire baine eiizibu kyekinuko kya kasasiro, mbwenu bayongyeraho emitumbi.
Robert Atwine ori kasara ahabwa Rwemigina wodi naagira ngu abebembezi ba Mbarara city bakekwata baiba eitaka eryabire riri eryokuzikamu abantu mbwenu obwahati nibareta emitumbi bagizika kekombe. Esande ehwaire ekimotoka kikareta emitumbi etarikumanywa mubaro bagiziika haihi nekanisa hamwe eya Kaburangire ahu ekinuko ekitakabahoga kiriyo nikibinga abatuura.
Rev. Patrick Atuhaire ori sabadikoni wa All Saints Church Mbarara ahu ekanisa ya Kaburangire eri obu busabadikoni bwe, naagira ngu ekiriyo nikikorwa Kekombe nikiza kuretera abantu nyamwingi bakwatwa endwara zitarikumanywa ahabwekinuko ekirikuruga omu bafu. Nikwe kushaba abebembezi bekibuga Mbarara kurugayo bakahwera abatuura ba kekombe ahabwokuba oku nokwita omuntu akihurire.
Kurugirira ahari Prisca Mugazi Mulongo ori omuhwezi wa Meeya aha bwekibuga Mbarara naagira ngu nekyamazima abantu abaherire kekombe barikubi. Naagira ngu Kekombe timwanya gwokuzikamu abantu ababuzire abaabo kandi nawareba omu purani yekibuga Mbarara omwanya gwa Kekombe gwine entuguka eyagwe. Nayoreka ngu nka kanso bashaziremu buri mwanya kugira irimbo ahu Mbarara city north hamwe na city south buri bamwe nibaza kugira omwanya gwabo.
Obwahati abatuura nibenda Kanso ya Mbarara erugyeyo egambe ekibashaziremu omu Kanso aha kikwatiraine nemyanya yokuziikamu abafu ninga ahu batwire nibaziika abantu aba.
