OBUSHOMANKUZI OBURI NTUNGAMO NIBWERARIKIRIZA!!, ABATUURA BAKINGIRE OFFISI ZA MUNISIPARITE
Nibenda IGG hamwe nekitongore ekirikurwanisa obushomankuzi omu offisi ya puresidenti batahe omunshonga
Abatuura omu munisiparite eya Ntungamo omu Disiturikiti ya Ntungamo nibenda abebembezi ba Munisiparite barugyeyo bagambe ahu sente zomuhi womushoro zirikutora kyaba kitari ekyo barekure emirimo yaabo.
Abatuura aba batakakingire offisi za Ntungamo Munisiparite babandize omu rukiiko orukorirwe omu kanso hall okugamba ahanshonga zobushomankuzi oburetiire Munisiparite yazingama omu Ntunguka.
Abatuura nibagamba ngu ebintu bya Ntungamo Munisiparite nka emotooka yakasitagirizi erikukora enguuto, ebyoma by’okunagamu kasasiro ebirikurenga 7 hamwe nebindi bikabuza amaisho ekiretiire emirimo yagyenda akashoobo omu munisiparite.
Enshonga endaijo ei abatuura barikujunana abebembezi ba Ntungamo Munisiparite, harimu akajogano akaregyeseraize. Niboreka oku abebembezi aba batarikubasa kurugayo bakashoborora ahu ebintu bya munisiparite birikuza.
Enshonga yokwekarakasa kwa batuura kutuhikire omu offisi ya tauni kiraka kumubuza gaba gari amaziima, Tumwesigye Isiah ori tauni Kiraka atugambire amazima oku ekyooma kyokukora enguuto hamwe nebyooma byokunagamu kasasiro byaburize amaisho kandi nawe tarikumanya ahu byagiire.
Naagira ngu aha nshonga egyo abebembezi abamwe otiiremu na ba Kansara bakakwatwa kandi okucoondoza kuriyo nikugyenda omu maisho.
Obwahati abatuura nibenda offisi ya Karishorisho wa Gavumenti etaahe omushonga ezi hamwe nekitongore ekirikurwanisa obushomankuzi omu offisi ya mukuru weihanga ahabwokuba kyaregyesereza.
