EMIZAANO YAMASHOMERO EYA ANKOLE ZONE GIRLS ERIYO NEGYENDA OMU MAISHO OMURI BUSHENYI,

Nebya:  Aloysius Byamukama

Empaka zomumpiira gwabaishiki ezamashomero aga Ankole ezirikumanywa nka USSSA Ankole zone girls football champions ziriyo nizigyenda omumaisho omu Disiturikiti eya Bushenyi.

Nobu amashomero gariyo nigakoresa amani kureba ngu basinga ekikoopo eki, aba St catherine Girls kuruga omu Disiturikiti eya Kazo ebyabo bitandikire kubi bwanyima yakakiiko akarikukwatiisa emicwe kubinga obaire eri kooki waabo hamwe nomushomesa Yoweri Abaho orikwebembera ebyemizano ahabwokworeka emicwe mibi.

Akakiiko akarikukwatiisa emicwe kakatunga okwetombwita bwanyima yaaba St catherine girls kuzana na Bweranyangi girls ahu ba kooki  hamwe nabashomesa ba St Catherine bajumire  kandi bakateera rwefu owashazire  omupiira ogubazanire na Bweranyangi ogwahwaire na goora 2-2.

Obed Natweta ori omuhandiiki wekitongore ekya USSA Ankole zone naagira ngu kooki hamwe nomushomesa eki bakozire nikihenda amateka gebyemizano ahabwokuba bakoreka emicwe mibi ekintu ekitarikwikirizibwa. “Nkabarikwebembera emizano egi twine kworeka emicwe hamwe nekwatanisa twaba nituzana emizano egi kutari kwebaganisamu.”. Ahabwebikorwa ebi borekire twasharamu kuhiika nitubabinga kumara emyaka 2 batarikwetaba omu mizano yoona.

Nobu kooki hamwe nerikwebembera ebyemizano babingirwe, aba St Catherine girls bongire kukoragye ahu batiire aba Ankole High school goora 7-0.

Oijuke ngu emizano egi ekigurwaho omu butongore aha rwakana ahu Denis Turyamureba ori chairman wa bakuru bamashomero aga siniya omu buregye rwaizoba niwe yayigwireho emizano egi omu butongore.

OKU TIIMU ZIGYEZIRE NIZIZANA

Roadside 5 Ankole 0, St. Annes 2 Kibingo 0 , St Catherine 7 Ankole 0 , Roadside 2 Bweranyangi 1 , Maama Janet 3 Creamland 0, St. Augustin 0 Mary Hill 0, Isingiro 5 Ndibarema 0, MaryHill 4 Ndibarema 0 , Boni Consilii 8 Maama Janet 0,Ntale 4 Creamland 0,Bishop Ogez 3 Bugamba 0 ,Kitagata 3 Equatorial 1, Bugamba 2 Equatorial 1,Nyakayojo 1 Bishop’s girls 1, Arch Bishop B 3 Mushanga 0 ,Mbarara City 3 Kashaka 0,Nyabubaare 5 Mbarara city 0,Kyeizooba 0 Kinoni 0, Mujuni 1 Nyakayojo 0 , Five Star 6 Bishop’s 0, Kicwamba 1 Kinoni h1, Nakivale 0 Gracious 0 , Kibubura 2 Gracious 0, Rubindi 5 Kibubura 0 , Savannah 2 Butare 0, Mwamba 4 Mbarara SS 0, Ijumo 1 Mwamba 0, Sheema girls 10 Brainstorm 0, Bubangizi 13, 0 Mwizi S.S