OKUKUZA EKIIRO KYABASHOMESA, ABA UGANDA MARTYRS P/SC BATUNGIRE OKWEGYESIBWA.
Abashomesa Kamugisha Benon hamwe na Ayesigye Annet bahumwire emirimo y'obushomesa kandi basimwa.
Buri biiro 05/10 buri mwaka Uganda neyegita aha mahanga agandi omunsi yoona kukuza ekiiro kyabashomesa ekirikumanywa nka World Teachers Day. Omwaka ogu omutwe gwekiiro eky’abashomesa gubaire gwemerire aha kuhurikiriza eiraka ryabashomesa nekigyendererwa kyokuhikiriza omurimo gwabo gweby’obwegyese (Valuing teachers voice towards a new social contract for education).
Omururembo orwa Mbarara abishomero abishomero erya Uganda Martyrs p/school bijukire eizoba ryabo nekitambo kyamisa ekyebembirwe Faaza Vicent Kaboyi obashabire kuba ekyokureberaho omu cwamu yaabo.
Omukoro gw’okukuza ekiiro kyabashomesa aba Uganda Martyrs primary school hanu omukibuga Mbarara gwatandiika nekitambo kya miisa ekyayebemberwa Faaza Vicent Kaboyi hamwe na Bwana mukuru wa Uganda Martyrs parish Faaza Vicent Kasapuri.
Kurugirira ahari mukuru weishomero Tumuhairwe Fredrick okukora eki nokwenda kuhereza abashomesa omugisha gwokuganira hamwe nokwecumitiriza aha bintu ebi bashemerire kukora nkabashomesa.
Ekiiro eki abashomesa nikibahwera kweteranira hamwe bakaganira aha mirimo eibarikukorera eihanga rya Uganda obwe barikwecumitiriza aha bintu byetunguka hamwe nokusharamu aha bintu ebirikwija kubahwera kuhikirizagye emirimo yaabo nkabashomesa.
Aha mukoro nigwe gumwe habaho okusibura abashomesa ababa nibahumura emirimo yaabo yeby’obwegyese. Kamugisha Benon hamwe na Ayesigye Annet basimwa abarikwebembera eishomero eri ahabwemirimo mirungi eyibakorire eishomero. Abashomesa aba batunga akasiimo ka miriyooni emwe nkakamanyiso kokubasiima ahabwokuhereza gye.
