POPE WA 267 ARONZIRWE, POPE LEO XIV
America kuruga emyaka 2000 ogu niwe pope wokubanza kuruga omwihanga eri
Okushemererwa nikwe kwijwire abakiriza omunsi yoona abenkaturika ahabwa makuru marungi agokutorana Pope omusya. Kadinari Robert Prevost kuruga omwihanga rya America niwe atorainwe kuba Pope ogiire omubigyere bya Pope Francis oherize kufa.
Ogu niwe Pope w’okubanza kutoranwa kuruga omwihanga rya America omwishaza erya Chicago kuruga 2000 ehwaireho. Kadinari Robert bwanyima yokutoranwa ba kadinari abanda 89 atoraine eiziina rya Pope Leo XIV kuba niryo bamweta. Pope Leo xiv bwanyima y’okumutorana arebukiire omu bikiriza omurundi gwe gwokubanza ahiguru ya St Peters Basilica.
Ebigambo bya Pope Leo by’okubanza ebyagambire abikiririza ababaire baine okushemererwa kwamani, abagizire ngu “OBUSIGYE BUBE NIMWE”Pope Leo xiv akazarwa ebiiro 04/09/1955 kandi ogu bamutoraine aine emyaka 69 y’obukuru. Kadinari atwire omwihanga rya Peru ahamazire emyaka 40 arikuhereza.
Pope Leo xiv akatoranwa kuba kadinari omu mwaka gwa 2023 abu yabaire ari akiibishop wa Chiclayo omwihanga rya Peru.
