OKUGARUKA KWA BOBI WINE OMU KARURU KA 2026 HARIHO EKIRAHINDUKE????
Mukwatse ebendera ya NUP nyongyere aha bitaraherize -Bobi Wine
Robert Kyagulanyi Ssentamu aka Bobi Wine, omwebembezi w’ekibiina ky’obutegyeki eky’orubaju orurikuhabura gavumenti, ekibiina kya National Unity Platform-NUP, arangirire kwarikuza kwesimba ahabwa purezidenti obwe arikuhakanisa puresidenti Yoweri Kaguta Museveni nainga omuntu weena orarugyeyo nawe akesimba ahabwa puresidenti 2026.
Kyagulanyi arebukiire aha kitebe kyekigombe kya NUP obwe ashendekyerezibwe omukaziwe Barbra Itungo Kyagulanyi hamwe nabandi. Ogu abebembezi hamwe nabahagizi bekigombe kya NUP bamwakiire omukitinisa obu abaire aizire kwihayo empapura z’okwesimba ahabwa puresidenti obwe arikukwatira ekigombe kya NUP embendera.
Kyagulanyi naagira ngu okugaruka kwe obwe arikwesimba omurundi gwa 2 ahabwa puresidenti, nokwenda kuhikiriza ebyo ebyatarabasize kuhikiririza nekigyendererwa kyokwiha eihanga omu bukwatwa.
Bamwe ahabantu ababaire bashendekyeraize Kyagulanyi arikwihayo empapura zokwesimba, habaire harimu omuzaire wa Eddie Mutwe, hamwe na Yasin Ssekiteleko obwahati abari omu kihome. Kyagulanyi nashaba eminyeeto kwejumbira omu by’obutegyeki, ku baraabe batarikwenda kwebemberwa abantu abarikubeta abakye.
