AMAANI GABANTU GAREEBUKA ANNAH KANSIIME BAMURANGIRIRA OMUBUTONGORE
Aha myanya 243 yokuterezamu akaruru bashangire ngu emyanya 231 yoona Annah akaba asingire Molly
Akakiiko aka NRM akatwire nikahurikiriza emajja zeby’obururu bwa NRM, karangirira oku Annah Kansiime yasingire akaruru kabakyara ahabwa Rwampara disiturikiti obwe arikusinga Molly Asiimwe otwire ari omunyishengyero.
Bwanyima y’okuteera akaruru kabanyishengyero ebiiro 17/07 2025 omuri Rwamapara, akabakyara kakazamu obutikirizingana ahu Molly Asiimwe atwire ari omunyishengyero ahabwabakyara yahakanise ebyarugiire omu karuru arikugiira ngu bakarangirira otariwe.
Eki kikaretera Annah Kansiime owabaire asingire akaruru aka yirukagiira omukakiiko ka NRM tribunal nekigyendererwa ky’okumanya nooha owasingire akaruru.
Akakiiko kashangire ngu aha polling station 231 ahari 243 ezabaire ziri omuri Rwampara ezi bashijumire bashangire ngu Annah Kansime akaba asingire nobururu 25773 kandi Molly aine 18474, ekirikworeka ngu akamusingisa obururu 7299.
Oijuke ngu owabaire nakurira ebyobururu omuri Rwampara Mutahi Jackson akabaza kurangirira Molly Asiimwe nkowasinga akaruru, eki Annah yahakanise nikwe RDC Harriet Nakamya kushaba ngu akaruru ako bakagarukemu bakabare. Ebyarugiremu bikoreka oku Annh Kansiime yabaire asingire Molly nobururu 26347 kandi Molly aine 20364.
Okurangirira Annah Kansiime kukarugamu emivuyo myingi omuri Rwampara ahu bahikire nahakwenda kuhindura RDC Nakamya kwonka nabyo bikanga ahabwamaziima aguyayorekiire omu karuru aka. Annah ou twagambaho nawe aha siimu yasiima abanya Rwampara, akakiiko ka NRM tribunal ahabwokurugayo bakagamba amaziima.
