ENSHONGA 10 EZIRETIIRE ABAKYARA ABANYISHENGYERO 20 BASINGWA AKARURU KURUGA BUREGYE RWAIZOBA.
NEBYA: ATUKWASE RUTH
Bwanyima y’okutera akaruru kokuronda abanyishengyero akatirwe ebiiro 15/01/2026, baingi abakyara abanyishengyero abatwire omwishengyero ryomurundi ogwa 11 tibaraije kugarukayo bwanyima yokubasinga.
Enshonga yokuhanatura abakyara aba omwishengyero nahati eriyo netangaza buryomwe kushanga ngu abakyara abarikuruga buregye rwaizoba, namunonga omu Greater Ankole baingi tibaragarukire mwishengyero . Annet Katusiime Mugisha orikujwekyera abakyara omwishengyero ahabwa Bushenyi niwe agurukiire akagoye akagarukayo.
Zimwe aha nshonga ezi abantu batari bamwe nabamwe ezibatugambire eziretiire abakyara aba batagaruka omwishengyero harimu;
- Okuza omwishengyero bakebwa okushakiira abantu ababaterire akaruru
- Abamwe sente ezabaire ziri omukaruru bakaba batarikuzibasa ekyaretiire abateezi bakaruru babagura.
- Abamwe ekigombe kya NRM kikaba kitarikubenda ekyaretiire bamwe batabahagiira nobu babaire baine embendera.
- Abamwe batwire omwishengyero obwire buraingwa ekiretiire abantu basharamu kuhinduraho ahabwokwenda entunguka.
- Abamwe bakaaza omuntaro zebyobutegyeki nabebembezi babo kyaretera abantu babatamwa.
- Abamwe bakakoresa kubi sente ezi gavumenti yabaire nebahereza kutungura ebyanga byaabo.
Obwahati ogu nigwe murundi ogukozire ebyafayo kureeba ngu abakyara abanyishengyero barikurenga 20 kuruga omukyanga kimwe tibagarukire omwishengyero. Eki nikimanyisa ngu abantu obwahati batandikire kwetegyereza ebyobutegyeki okubirikugyenda.
| ABASINGIIRE | ABASINGIRWE | DISITURIKITI | |
| Ms. Annah Kansiime | Ms. Molly Asiimwe | Rwampara | |
| Ms. Violah Namanya | Ms. Bata Kamateneti | Ntungamo | |
| Ms. Stella Kiiza | Ms. Flavia Rwabuhoro | Kyegegwa | |
| Ms. Charity Kibaju | Ms. Rita h Atukwasa Bwahika | Mbarara city | |
| Ms. Rabecca Kyarampe | Ms. Juliet Agatha Bishasha | Mitooma | |
| Ms. Molly Nawe Kamukama | Ms. Jenifer Muheesi | Kazo | |
| Ms. Namara Annet Oyes Byamukama | Ms. Oliver Katwesigye Koyekyenga | Buhweju | |
| Ms. Loydah Kyarikunda Muhimbura | Ms. Magret Rwebyambu | Mbarara district | |
| Ms. Ruth Rujoki | Ms. Jovanise Rwenduru | Kiruhura | |
| Ms. Lillian Luteraho | Ms. Mugumya Clare | Isingiro | |
| Ms. Jeniva Alinaitwe Nalongo | Ms. Kasande Grace Btaringaya | Rubirizi | |
| Ms. Adrine Ktusiime | Ms. Nyakikongoro Rosemary | Sheema | |
| Ms. Jovrine Karisa | MS Jane Bainomugisha | Ibanda | |
