14 BAKWASIRWE AHABW’OBUSHOMANKUZI OMUKIBUGA MBARARA
ENSHONGA ZAMATAKA,ENGUUTO HAMWE NEMISHOORO NIBYO BIBARUGIRIREHO OBUZIBU
Ainebyoona Duncan
Balaam Barugahare Ateenyi minisita wa gavumenti zebyanga, kwahikire omukibuga Mbarara agizireho yagiraho orukiiko nabebembezi hamwe nabatuura bekibuga kya Mbarara, ahu abantu bagambire enshonga ezirikubasasa ezi abebembezi ba Mbarara baremirwe kukoraho. Enshonga nyamwingi ezirimu obushomankuzi omu barikushoroza emishooro yekibuga, okwiiba amataka ga gavumenti hamwe nokurya sente zokukora eguuto, kiretiire minisita Balaam kuragiira abu kirikukwataho kwehozaho.
Minisita Barugahare aragiire poriisi kwihaho sitetimenti Justine Barekye ori tauni kiraka wekibuga Mbarara, Simon Ejau omuhwezi we, David Sancho Nuwagaba, Allan Karakure purocuwamenti, Dina Mwije orikwebembera ebyemishoro, Samuel Tayebwa Rwakinanga eginiya, Ronald Kamukama owabaire ari omuhwezi wa tauni kiraka,Richard Mugisha owabaire ari iginiya wekibuga kya Mbarara.
| AMAZIINA GABAKWASIRWE | EMIRIMO EIBARIKUKORA |
| Justine Barekye | City Town clerk |
| Simon Ejau | Omuhwezi wa town clerk |
| David Sancho Nuwagaba | Natural Resources Officer |
| Allan Karakure | Trade Officer |
| Dina Mwije | Procurement Officer |
| Samuel Tayebwa | Principal Revenue Officer and Contracts Committee Chairperson |
| Rwakinanga | Engineering Officer |
| Ronald Kamukama | former Deputy Town Clerk |
| Richard Mugisha | former City Engineer |
| Logino Mugisha | procurement officer |
| Edgar Atwine | Probation Officer |
| Henry Mugisha | City Engineer |
| Jackie Tumwine, Dr. Keirukye Mugisha, James Agaba | Now serving as Principal Commercial Officer in Fort Portal City. |
Minisita Barugahara aragiire boona abakozi abahindwire bakatwara omu disiturikiti ezindi ninga omu offisi ezindi kubarugayo bakehozaho aha mishango erikubajunanwa.
Omury’abo harimu owabaire eri omuhwezi wa tauni kiraka Richard Mugisha owagurize amataka ga kanso omuri Biharwe eryabaire niryangana 0.0046 hectares. Minisita Barugahara ayongire yayoreka oku tauni kiraka Justine Barekye hamwe nabandi babembezi bakakoresa kubi sente za gavumenti zirikwingana sh716M ezabaire niziruga omu mishoro.
Ezindi shonga harimu okubura kwa sente zirikwingana sh57.6M ezashoroozibwe kuruga omu street parking kuruga omukitongore ekya Yoya technologies.
Abebembezi bekibuga Mbarara abarimu Robert Kakyebezi ori meeya wekibuga Mbarara asimire omurimo ogu Balaam ariyo nakora arikugiira ngu ebimwe aha byashangire bishobire akaba atuura nabigamba kwonka batakwenda kumuhurira.
