UGANDA CUBS EGUTWIRE SOMALIA YATWARA EKIKOPO KYA CECAFA U-17
Uganda yahisya ebikopo 18 bya CECAFA U-17
Nebya: Ainebyoona Christopher
Tiimu ya Uganda ey’omumpiira gw’ebigyere eyahansi y’emyaka 17 niyo etwire ekikopo ekya CECAFA 17. Empaka zekikopo kya CECAFA U-17 zitwire nizizanirwa omwihanga rya Rwanda ahu tiimu ya Uganda abaire nekoragye.
Okutwara ekikopo eki nibwanyima y’okuza aha zakamaririzo na tiimu eihanga rya Somalia ahu omupiira guhwaire 0-0 nikwe kuza omu kusimura obwiina, nikwe Uganda kusinga na goora 6 ahari 5 kutwara ekikopo.
Kuruga 1973 obu bahindura Eiziina ry’ekikopo eki kiketwa CECAFA senior challenge cup eihanga rya Uganda ribasize kukora gye omu mpaka ezi ahi babasize kusinga ebikopo 18. Kuruga 1973, 1976, 1977, 1989, 1990, 1992,1996,1997,2000,2008,2009, 2011,2012, 2015, 2019, 2020,2024 hamwe na 2026.
Oihireho okusinga ekikopo eki emirundi myingi, abazaani ba Uganda basimirwe ahabwokworeka omutindo murungi. Ssegirinya niwe atwire akirabo kyokusingayo kuba omukwasi wa goora murungi omu mpaka ezi, kandi Muhoozi niwe abaire omuzani osingire kuzana gye omumpaka ezi.
