MIKEL ARTETA NIWE MUZANI W’OKUBANZA KUZANIRA TIIMU KANDI AKAGITENDEKA EKATWARA EKIKOPO
Omu bazani b'omumpira gwa Premier League, Michel Arteta niwe akozire ekyafayo
Nebya: Nowamani Lilian
Bwanyima yemyaka 22 tiimu ya Arsenal erugireho yayetuura omugugu obwe erikutwara ekikopo kya Premier League. Eki kizireho bwanyima ya Man City kugwa kikazi na Bournemouth goola 1:1 ekiretiire Arsenal yaguuma eyebembire obwe erikusinga Man city nobubonero 4, ekirikumanyisa ngu nobu Man city yakusinga emizano yayo yoona terikubasa kurabaho Arsenal.
Tiimu ya Arsernal ekahereruka kutwara ekikopo eki omu sizooni eya 2003/2004 obu Patrick Vieira yabaire eri kaputeni wa tiimu egi, kandi niyo sizooni ei Thierry Henry atwara ekirabo kya Golden Boot bwanyima yokuteba goora 30 omu sizooni.
Mikel Arteta niwe abaire omuzani wokubaza kutendeka tiimu omu premier league ei yazanireho omupiira ekatwara ekikopo. Mikel Arteta akaba ari omuzani wa tiimu ya Arsenal omu 2011 kuhisya 2016 ahu yabasize kutebeera tiimu ya Arsenal goola 16. Arteta akatandiika kutendeka tiimu ya Arsenal omu 2019 kandi kuruga atandiika kutendeka tiimu egi etwire nekora gye.
Obwahati eki nekikopo kya 4 eki tiimu ya Arsenal yahisya erikutwara omu premier league ahu Manchester United niyo erikusinga nebikoopo 13, Man City aine ebikoopo 8, Chealse 5 reru Liverpool 2. Ezindi tiimu eziratwireho ekikoopo kya Premier Legue harimu Blacburn hamwe na Leicester.
Arsenal ebaasa kukora ebyafayo obwe erikutwara ebikoopo 2 ahu obwahati eriyo neza kuzana na tiimu ya PSG omu kamaririzo kekikoopo ekya Champions League. Kyabaho Arsenal ekatwara ekikopo eki niguza kuba guri omurundi gwayo gwokubanza kutwara ekikoopo eki.
