Advertise
https://actanewsug.com/
News

BAMUSHARIRE KUKOMWA EMYAKA 49 AHABW’OKUHEREZA OMWANA EMPITIRIZO 49

Buri mpitiirizo bagibaziire omwaka omukihome

Nebya: Ainebyoona Brian

Omukwezi kwa katano omwaka 2026 tukakworekaho amakuru ga Akamumpa Samuel emyaka 9 yobukuru ou mukaishe orikumanywa nka Juliet Tushabeomwe emyaka 45 y’obukuru yakozire ekikorwa eki.

Aha biro 13/11/2026 Kooti ya Mitooma ebaire eyebembirwe omuramuzi Gibson Muhangi eshangire oku Juliet Tushabaomwe yakozire ekikorwa kyobwinazi aha mwana owari mukaishe Akamumpa Samuel, ou yagyemire kumiira empitiirizo zirikuhiika 49 ezibizire kumwihiramu ahirwariro erya Mbarara regional Hospital.

Omuramuzi ayorekiire oku Juliet yakozire ekikorwa kibi munonga ekyabaire nikibasa kutwara amagara ga Samuel ou Ruhanga yakwasireho akahoona.

Omuramuzi Gibson Muhangi arugireyo yahereza Juliet ekibonerezo kyokukomwa emyaka 49, ekibonerezo ekirikushushana nekiyahiire omwana obwe arikumuhereza empitiriizo 49.

Oijuke ngu ekikorwa eki kikaba omukyaro kya Rweibare ii omuri Kyanzire tauni kanso eya Kashenshero Mitooma Disiturikiti ahu Juliet Tushabaomwe yahiire Akamumpa Samuel empitirizo hamwe nebicweka by’ekishokokoro byakacumu akabimira.

Abashaho barikworeka empitirizo ezi bihiire omunda ya Samuel

Omwana ogu akaija kuretwa omwirwariro erihango erya Mbarara regional Hospital ahu babasize kumushemeza emirundi erikurenga ebiri barikumwihamu empitiriizo nkoku Dr. Twesigye Deus yahamize amakuru aga.

Turikuganiraho na Dr. Deus omuhango omubyokushemeza omurimo ogu yatandiikire 2008. Atugambire oku abashaho 6 abahangu bakozire omurimo muhango gwokurebuka ngu empitirizo 50 ezabaire ziri omunda yomwana bazimwihamu kandi yasigara ahurire.

Dr Twesigye naagira ngu bakashemeza omwana ogu emirundi ebiri ahabwokuba kubaherize kumushemeza yamara ebiiro biikye kubagarukiire omu sikani kumukyebera bashanga hakirimu empitirizo endaijo. Eki kikabagyemesereza kugaruka kumushemeza ahu bashangire empitirizo ezindi 2 ezabaire zikwatiine. Nayongyera agiira ngu omunda yomwana tibarashangiremu mpitirizo zonka ahabwokuba bakashangamu nebishokonkoro byobucumu obwa Bic ebyabaire bihozahonzire.

Dr. Deus naagira ngu nobu atwire arikushemeza abantu bemiringo myingi abarikuba bamiziire ebintu bitaribimwe nabimwe nangwa abandi nibacumutwa ebintu, kwonka babaire batakatungahoga omuntu wekiika eki.

Obwahati Akamumpa bwanyima y’okumara obwire ari omwirwariro abashaho bamukyebire bashanga nabasa kurya kandi nokuywa nikwe kumusibura. Dr. Deus naagira ngu omwana ngu aine omugisha muhango ahabw’okuba kubataramurahukiize kumureta omwirwariro bakamukoraho, empitirizo zikaba niziza kumucumita amara goona hamwe nokushisha ebindi bicweka by’omunda ekyabaire nikiza kumurugiramu okufa.

Abashaho ahirwariro eri tibakozire ogwokushemeza Akamumpa Samuel kwonka beyongireyo bamurondera abahumuriza hamwe n’abashoho abandi abaragume nibamureba ahabw’okuba akatunga okubonabonesibwa ekirikwetenga ngu babaze bamuhumurize arekye kwijuka ebyo.

Related Articles

Leave a Reply

Your email address will not be published. Required fields are marked *

Back to top button