EIRWARIRO RYA RUKUNGIRI HCIV BATUNGIRE EKITANDA KY’OKUZARIRAHO
ABA ANKOLE FARMERS AND TRADERS SACCO NIBO BAHIREYO OBUHWEZI OBU,
Eirwariro erya Rukungiri HCIV batungire obuhwezi bwekitanda ky’omurembe ekyabakazi kuzariraho. Ekitanda eki kiherezibweyo aba Sacco eya Ankole farmers and Traders Sacco obwe erikwetebekanisiza okwijuka emyaka 25 ei emaziire omubuhereza bwa Sacco
Kurugirira ahari Kansime Merabu omwe omubarikwebembera banka egi naagira ngu bakakora okucoondoza obwe barikuronda ekintu eki bakuhereza abantu kandi buryomwe akaganyirwamu. Nikwe kurugayo nekitekateko kyokuhereza amarwariro ekitanda kyabakazi kuzariraho.
Obwahati bank egi eri omuhururu yokugarura ba kasitoma babo omu myanya ei barikukoreramu emirimo yaabo.
Okugaba ebitanda byabakazi kuzariraho kutandikiire omu disiturikiti ya Ibanda ahu eirwariro erya Bisheshe HCIII batungire ekitanda eki. Eizoba rya nyimwabazyo ebiiro 18/09/2025 aba Ankole Farmers bahikire ahirwariro rya Rukungiri HCIV eririkushangwa omu East Divijoni Rukungiri munisiparite kuherezayo obuhwezi bwekitanda kyabakazi kuzariraro
Sebyara Duncan orikwebembera eitagi rya Ankole Farmers and Traders Sacco ahabwa Rukungiri naagira ngu emyaka 3 ei bahikize omuri Rukungiri, batungire bakasitoma barikurenga 10,000 kandi abashubuzi nibo baganyirwemu munonga omu banka egi.
Orikwebembera eirwariro eya Rukungiri HCIV Atwikirize Moreen asiimire aba Ankole Farmers and Traders Sacco ahabw’okubahereza ekitanda ekirahwere abakazi baba nibazara. Naagira ngu burikwezi nibakiira abakazi 60-70 abarikuzarira ahirwariro eri kandi aine amatsiko maingi ngu obu bariyo nibaza kwigura eishemerezo nibaza kutunga abakazi baingi abarikuba nibenda kuzara.
Ori omujwekyerwa wa mukuru weihanga ahabwa Rukungiri Wilberforce Ogom kandi ori member wa Banka egi ahabwitagi erya Biharwe asimire enkoragana ei banka egi aine nabantu baburaijo. Nikwe kubashaba kwongyera bakigura amatagi agandi omu byanga ebya Rukungiri.
Charles Makuru ori meeya wa Rukungiri municiparite kandi obaire ari omugyenyi mukuru asimire banka egi ahabw’okutungura eby’amagara kandi nokugiira obwesigwa omumirimo yaabo eibarikukora.
Oijuke ngu Ankole Farmers and Traders Sacco ekatandiika ebiiro 17/11/2000 kandi omu myaka 25 ei yahisya ebasize kuhisya obuhereza omushonda zoona ahu obwahati aine amatagi 17.
