NEBYA : Amutuhaire Nicholus
Puresidenti Museveni arugireyo yayoreka oku atwire nareba abarikushomankura sente zeihanga nangwa n’abandi barikukora emirimo ya’Gavumenti okubayenda barikubiiha ngu nibakorera abanya Uganda, kwonka abesiza , arikutekateka ngu nibaija kwetiisa. Obwahati arugireyo yayoreka oku asimukiire kandi kwarikwija kukora ahary’abo abatwire nibashomankura sente zihanga barikwekwatsa ngu nibakora.
Okugamba ebi nobu mukuru weihanga abaire naherezayo obutumwa bwe bwomurundi gwokubanza omu mwaka 2026 kuruga arahizibwa nka mukuru weihanga aha kishayi Kololo eizoba ryorwakana 04/06/2026.
Omukugamba kwa Mukuru weihanga ayorekiire oku government eyarikwebembera etwire erimu abashomankuzi abarengire okwetegyereza kwa Ruhanga nahabwekyo ekishaja eki nekyokusimuka bakakorera. Eky’okureberaho ayorekiire obushomankuzi kuruga omu minisiture yeby’enguudo ahu sente nyamwingi zihwerire aha oruguuto rwa Fort Port ahu ashabire abikirikukwataho kukora ekucoondoza aha nshonga yorugudo rwa Fort Portal.
Aha bebembezi abarikushutama omu offisi bakagwejegyera obwe bashabire sente nyamwingi zokuza kurambura purojekiti za gavumenti obu nibwe obwire bwokusimuka baketera omukifuba kitaryekyo nibaza kukareba. Enshonga yabebembezi bemiruka kurugayo bakashaba sente hamwe na za piki ngu nibwe barakore gye emirimo, abo Museveni abashabire kuronda egari baba nibenda kukora.
Nobu endwara y’obushomankuzi eriyo neyongyera kutaaha omushagama hamwe nokurwaza abanya Uganda, Puresidenti Museveni ayorekiire oku etunguka omwihanga eriyo neyeyongyera. Ekyokureberaho omu mwaka gwa 1962 abanya Uganda ababaire baine akasente bakaba nibingana obucweka 9 ahari 100 kwonka obwahati abanya Uganda abainemu akasente bahikire aha bucweka 67%, ekirikworeka entunguka.
Bimwe ebi mukuru weihanga eyorekyerire kukora harimu okumaririza omuduumo gwamajuta, okwogyera sente omu PDM, ebyobuhingi noburiisa, ebyoburambuzi ,hamwe nokwombeka egari yomwika. Ayorekiire oku Gavumenti erikwija kureta za amateka 38 omwishengyero kugahajanaho nokugahinguza.
Abarikutera tooki omu byobwebembezi bwa Uganda niboreka oku Puresidenti Museveni atarikubasa kumaraho enguzi ahabwokuba niwe mukama wayo oraretiire buryomwe yamwegyeraho kandi emuhwerire munonga kyahiika aha byobururu nokumara amani ebigombe ebirikuhabura gavumenti.
