OMUGYERA GWA RWIZI GURI OMUKABI
Abebembezi nibenda boona abarakwatwe barikushisha ebyobuhangwa batungye ekifubiiro
Christopher Ahimbisibwe
Abeby’obuhangwa bayemeraize emirimo y’okutimba ,omushenyi haihi nomugyera gwa Rwizi omuri Katojo Bubaare Kashari Mbarara disiturikiti. Eki nikijaho bwanyima bwanyima yabarikutimba omushenyi kwongyera kutahirira omugyera gwa Rwizi ahu bahikire naha kutimba omushenyi omu Rwizi aha gati.
Kurugirira ahari Joseph Mwesigye owebyobuhangwa omu Disiturikiti ya Mbarara naagira ngu abntu kwongyera kutahirira omugyera gwa Rwizi obwe barikuhinga emisiri haihi no Rwizi hamwe nokutimba omushenyi, kiretiire orwizi rwayongyera kwoma.
Ebi abebembezi babigambire obu babaire nibabuganaho abatuura abomukyaro kya Katojo Bubareomugomborora eya Kashari. Abatuura aba bahindwire omugyera gwa Rwizi oburugo bwa sente ekiriyo nikita omugyera ogurikuhereza amaizi abantu omukabi. Ori omujwekyerwa wa mukuru weihanga
Emmy Katera nayenda abantu abarikutimba omushenyi hihi nomugyera ogu kubarugamu bakejumbira omu mirimo endaijo obwe barikuhwerwaho gavumenti nka okukoresa nokwejumbira omu puroguramu za gavumenti.
Kurugirira ahari ceyamani wa River Rwizi catchment JB Tumusiime Bamuturaki naagira ngu okurinda omugyera gwa Rwizi timurimo gwa gavumenti yonka kureka n’omurimo gw’aburyomwe kureba ngu omugyera ogu bagurinda. Omugyera gwa Rwizi niguraba omu Disiturikiti 14 ekirikumanyisa ngu abebembezi boona kuruga omu disiturikiti ezi bashemerire kwekoramu omurimo gwokurinda omugyera gwa Rwizi.
Katurebe Micheal direkita wa Mukono recycling co.ltd naagira ngu okurinda ebyobuhangwa nomurimo ogu abebembezi baine kutamu amani obwe barikuta ebiragiiro omunkora. Nayoreka oku agyerizeho kurinda ebyobuhangwa obwe arikutandikaho ekyoma ekirikuteera ebicuupa hakarugamu ekirungo eki fakitore erikukoresa kwihamu ebindi bintu. obwahati buraizoba narundana tani 80 zobucuupa ezi abantu barikurundana kuruga omu kibuga Mbarara.
Obwahati ebitongore bitari bimwe na bimwe nibigyezaho kurinda omugyera ogu obwe barikukora ebintu bitari bimwe nabimwe nka ; okwihamu omwata oguriyo niguretera omugyera ogu gwatabama, okurwanisa abarikutimba omushenyi hamwe nokubyara emiti aha rubaju rwomugyera.
Sarah aijuka owekitongore kya NEMA ahabwa buregye rwaizoba naagira ngu ekiragiiro ekiriho nikyoreka oku omuntu weena orikukwatwa erikushisha eby’obuhangwa okwaine kubonerezibwa obwe arikugaruraho ebiyasisiire. Obwahati amaizi omu mugyera ogwa rwizi gakyendire obucweka 80 ahari 100 ekintu ekiriyo nikyerarikiriza.
