BROTHER KENETH KUHIGURA HON.TUSIIME AHABWA MP – RWAMPARA EAST
Brother Keneth kuhigura Hon. Tusiime omuntebe yobwa MP Rwampara East
Nebya: Omunyamakuru waitu.
Keneth Kanyesigye ou baingi barikumanya nka Brother Keneth kandi orikukora puroguramu ya Muhumuza hamwe na Ndyamusimanta aha Tv West nangwa na Puroguraamu y’eminyeto aha Radio west aresire amani maingi bwanyima y’okworeka okwarikwenda kuhigura Hon.Tusiime Karuhanga Julius omutebe yobwa memba wa paramenti ahabwa Rwampara East.
Obwahati Keneth aresire obukoryo busya oburetiire abahagizi ba Tusiime Karuhanga bagiira okutiina ngu 2026 abaasa obutagarukayo omwishengyero ahabw’okureba amani agu Keneth aresire. Ahabw’okushanga ngu Brother Keneth n’enzarwa ya Bugamba kandi aine nabahangizi baingi abatwire nibamukunda kuruga omu gomborora eya Mwizi, eki kiretiire Tusiime yagira obwoba bwingi.
Oijuke ngu Tusiime arikuza kusiga akaruru aka, bikaba bitanguhi we na Hon Charles Ngabirano boona enzarwa za Mwizi, kwonka ahabwokushanga ngu abantu bakaba baruhiire basharamu kuhereza Tusiime akaruru akaretiire Ngabirano yabura.
Brother Keneth akatandika nk’orikuzaana beitu hati naraaza Hon. Julius Karuhanga atabyamire nagwa takiywa n’amaizi ahabwo kureba ngu eshaaha yoona entebe nemurugaho ekintu ekyatarikwenda.
Ahabw’okushanga ngu Brother Keneth n’omuntu orikukunda ruhanga kandi otwire naburira engiri obwe arikuha n’obujurizi oburikworeka okuyakuzire hamwe n’ebiyarabire enshonga erikuha abantu amatsiko ngu yaaza omu paramenti taraije kwebwa omuntu wahansi orikuraba omu mbera eyarikurabamu.
Nobu Brother Keneth arikworeka ngu nibyingi ebi abantu ba Mwizi hamwe na Bugamba barikwenda kwonka enshonga yemihanda mibi niyo arikwenda kwebembeza yaaba yahikire omwishengyero obwe arikushakira abantu be egundo ya koransi erabe neruga omu Ruti erikuraba Mwizi ekagumizamu mpaka Kabuyanda. Obwahati Brother Keneth niwe kyeshongoro omuri Rwampara East kandi abatuura bamutegyerize ngu bamushuke akaruuru abazahuure.
Oijuke ngu Rwampara Disiturikiti ekaruga ahari Mbarara obwe arikuba Disiturikiti omubutongore omu 2019 obwe arikutwara amagomborora anna agarimu Mwizi, Bugamba, Rugando hamwe Ndeija. Rwampara East ei obwahati Keneth arikwenda kwihamu Tusiime aine amagomborora abiri agarimu Mwizi hamwe na Bugamba.
