AKAKIIKO KABANTU 22 KUTEREZA ENSHONGA ZEITAKA ERIBAKWENDA KWOMBEKAHO FAKITORE OMU RUBANDA DISITURIKITI
Nebya: Christopher Ahimbisibwe
Akakiiko kabantu 22 nibo baronzirwe kutereza enshonga zabatuura abomu Rubanda ahuGavumenti erikwenda kwombeka Fakitore y,obutaare. Abatuura abarikwegitira omukigombe ekya Nyakabungo Bariisa bahingi association ltd hamwe na Nyarurambi Nyakabungo Bariisa group batwire baine obutikirizingana obwe barikufa ekyapa ky’omwana ogurikwingana heeka 52 ezi gavumenti erikwenda kutaho fakitore ya (Iron ore).
Abatuura kuruga omubyaro nka; Nyarurambi, Mutorere,Kabirizi, Mumba hamwe na muko byoona ebirikushangwa omuri Rubanda Disiturikiti, nibagiira ngu abazaire babo abamwe abatakiriho bakatunga eitaka eri omu mwaka gwa 1969. Omu 2016/17 mukuru weihanga kuyabaire eri omukyanga ekya Kigezi akabaraganisa okwarikuza kubahereza fakitore bwanyima y’okuzoora ebyobugainga bweby’omwitaka ahu bashangire obutaare.
Abatuura bakiriza kuhereza gavumenti eitaka ngu bombekyeho fakitore, kwonka hakimukaho obutikirizingana aha gati ya bebembezi ba Disiturikiti ya Rubanda hamwe nabatuura abaherire eitaka eryo. Kuruga obwe nokuhisya nahati emishango etuura omu kooti ahabw’okuronda ekyapa ky’omwana ogwe.
Bwanyima y’enshonga zeitaka eri kuhiika owa mukuru weihanga hamwe nomu offisi ya prime minisita ahu orubaju orwabariisa barikugira ngu nibo bakama bitaka, abahingi nabo kurabira omukigombe kyabo bakahababa omushango barikworeka ngu nibo bakama bitaka ahabwokuba nibo barihihi naryo.
Offisi ya National Chairman eyebembirwe Joseph Barugahare bagizireho orukiiko ahagati yabariisa, abahingi hamwe nabebembezi ba Disiturikiti ya Rubanda omu kishayi Kabirizi nekigyendererwa kyokumaraho obutikirizingana.
Omurukiiko oru embaju zoona zibaire nizitunga batahi ababo namunonga abebembezi babo kwonka ahu bagiire kuhenderera embaju zombi bikirize kukwatanisiza hamwe nikwe kuronda akakiiko kabantu 22 kutereza enshonga zekyampa eki investor arikwenda yaza kutandiika omurimo gw’okwombeka fakitore
Oijuke ngu omu 2022 minisiture yebyobugaiga bwomwitaka ekwatanise nekitongore kya Australian drilling and mining consultancy ADT Africa hamwe na Kalem Group bahebwa omurimo gw’okutimba obutaare omuri Kabale oguriyo nigugyenda omu maisho.
